Choose Municipal Ward
    CLICK HERE FOR DETAILED RESULTS
    ہوم » نیوز » شمالی ہندوستان

    قومی دارالحکومت میں آلودگی کے مدنظر میونسپل کارپوریشن کے اسکولوں میں کل چھٹی رکھنے کا فیصلہ

    قومی گرین ٹریبونل (این جي ٹي) نے آج مرکز اور دہلی حکومت کی فضائی آلودگی کو لے کر سخت سرزنش کی ۔ ٹریبونل نے کہا کہ دہلی پھیلی فضائی آلودگی کیلئے دونوں حکومتیں باتوں کے علاوہ کوئی ٹھوس قدم نہیں اٹھا رہی ہیں

    • UNI
    • Last Updated: Nov 04, 2016 04:38 PM IST
    • Share this:
    • author image
      NEWS18-Urdu
    قومی دارالحکومت میں آلودگی کے مدنظر میونسپل کارپوریشن کے اسکولوں میں کل چھٹی رکھنے کا فیصلہ
    file photo

    نئی دہلی: قومی دارالحکومت میں آلودگی کے خطرناک حد تک پہنچ جانے کے پیش نظر ریاستی حکومت نے کل میونسپل کارپوریشن کے اسکولوں کو بند رکھنے کا فیصلہ کیا ہے۔ خیال رہے کہ اس سے قبل قومی گرین ٹریبونل (این جي ٹي) نے آج مرکز اور دہلی حکومت کی فضائی آلودگی کو لے کر سخت سرزنش کی ۔ ٹریبونل نے کہا کہ دہلی پھیلی فضائی آلودگی کیلئے دونوں حکومتیں باتوں کے علاوہ کوئی ٹھوس قدم نہیں اٹھا رہی ہیں۔

    دہلی میں خطرناک ہوتی آلودگی پر سماعت کرتے ہوئے ٹریبونل نے کہا کہ صرف ملاقاتیں ہو رہی ہے۔ ٹریبونل نے کل آلودگی پر سماعت کرتے ہوئے دہلی کے چیف سکریٹری سے رپورٹ طلب کی تھی۔ دہلی حکومت کی جانب سے این جي ٹي کو آج بتایا گیا کہ دو ملاقاتیں کی گئی ہیں۔ اس پر ٹریبونل نے کہا کہ ملاقاتیں کرنے سے کیا ہونے والا ہے۔ کوئی ایسا قدم اٹھایا ہے جس سے آلودگی کم ہو جائے گا۔

    ٹریبونل نے کہا کہ دہلی میں 10 سال پرانی ڈیزل گاڑیوں کو ابھی تک سڑکوں سے نہیں ہٹایا گیا۔ ٹریبونل نے کہا کہ جنوبی دہلی میں کئی علاقوں میں عمارت کی تعمیر کے کام میں قانون کو پوری طرح نظر انداز کیاجارہا ہے۔ کوئی بولنے والا نہیں ہے۔ تعمیری کاموں سے اڑنے والی مٹی آلودگی کا بڑا سبب ہے۔

    First published: Nov 04, 2016 04:36 PM IST
    corona virus btn
    corona virus btn
    Loading