سری نگر میں این آئی ٹی کے طلبہ کی ہنگامہ آرائی ، وزیر داخلہ نے کی محبوبہ مفتی سے گفتگو

نئی دہلی : سری نگر میں این آئی ٹی کے طالب علموں نے منگل کو ہنگامہ کیا ۔  مشتعل طلبہ اور پولیس کے درمیان پتھراؤ اور جھڑپ کی بھی اطلاع ہے ۔ پتھراؤ کے بعد پولیس نے بھی لاٹھی چارج کر دیا ، جس میں متعدد طلبہ زخمی ہو گئے ہیں ۔ زخمی طلبہ کو این آئی ٹی میڈیکل یونٹ میں رکھا گیا ہے ۔

ادھر مرکزی وزیر داخلہ راج ناتھ سنگھ نے اس معاملے پر وزیر اعلی محبوبہ مفتی سے بات کی ہے ۔ انہوں نے ٹویٹ کیا ہے کہ محبوبہ نے انہیں یقین دلایا ہے کہ صورت حال پر نظر رکھی جا رہی ہے ۔ اس معاملے میں فوری کارروائی کی جائے گی ۔

Spoke to J&K CM Mehbooba Mufti ji regarding the situation in NIT Srinagar. She has assured me to look into the issue &take immediate action

— Rajnath Singh (@BJPRajnathSingh) April 5, 2016

وہیں نائب وزیر اعلی نرمل سنگھ نے طلبہ کے والدین کو اپنا پرائیویٹ نمبر دے کر طلبہ کی حفاظت کا انہیں یقین دلایا ہے ۔ ساتھ ہی ساتھ این آئی ٹی میں دو کمپنی پولیس فورس کی تعیناتی کے بھی احکامات دیئے ہیں ۔ اس کے علاوہ مرکزی وزیر جيتندر سنگھ نے بھی وزیر اعلی سے فون پر بات کی ۔