ہوم » نیوز » شمالی ہندوستان

دیوبند : دار العلوم دیوبند میں اس سال نہیں ہو سکے گا کسی بھی طالب علم کا داخلہ 

کورونا وبا کے بڑھتے خطرے کے پیش نظر دار العلوم دیوبند نے اپریل ماہ میں ہونے والے سالانہ امتحانات کو پہلے ہی ملتوی کرکے تعطیلات کا اعلان کر دیا تھا اور اس کے بعد زیادہ تر طالب علم اپنے گھروں کو لوٹ گئے تھے۔

  • Share this:
دیوبند : دار العلوم دیوبند میں اس سال نہیں ہو سکے گا کسی بھی طالب علم کا داخلہ 
دیوبند : دار العلوم دیوبند میں اس سال نہیں ہو سکے گا کسی بھی طالب علم کا داخلہ 

دیوبند۔ ملک بھر میں کورونا انفیکشن میں تیزی سے اضافے کے باعث ملک کے سب سے بڑے اسلامی تعلیمی ادارے دارالعلوم دیوبند کی جانب سے سالانہ امتحانات منسوخ کردیئے گئے ہیں اور فیصلہ کیا گیا ہے کہ نئے تدریسی سیشن کے لئے داخلہ امتحانات نہیں ہوں گے۔ کورونا وبا کے بڑھتے خطرے کے پیش نظر دار العلوم دیوبند نے اپریل ماہ میں ہونے والے سالانہ امتحانات کو پہلے ہی ملتوی کرکے تعطیلات کا اعلان کر دیا تھا اور اس کے بعد زیادہ تر طالب علم اپنے گھروں کو لوٹ گئے تھے۔


سب سے بڑے اسلامی تعلیمی ادارے میں سالانہ امتحانات ختم کرنے کے لئے کورونا وبا کے ختم ہونے کا انتظار کیا جا رہا تھا  لیکن ملک میں کورونا  وبا کے بڑھتے معاملوں کے پیش نظر گزشتہ روز ادارے میں مجلس تعلیم کا ایک اہم اجلاس منعقد کیا گیا  اور سالانہ امتحانات کو منسوخ کرنے کا ایک اہم فیصلہ لیا گیا ہے۔ بتایا گیا ہے کہ تمام کلاسوں میں ششماہی امتحانات کی بنیاد پر  طلبہ کو  اگلی کلاسوں میں داخلہ دیا  جائے گا ، اس کے علاوہ اس ادارے کے نئے تدریسی سال کے لئے ہونے والے داخلہ امتحانات کو بھی منسوخ کر دیا گیا ہے۔ جس کا مطلب ہے کہ اس سال ادارے میں کسی بھی طالب علم کو داخلہ نہیں ملے گا۔




واضح رہے کہ ہندوستان میں اسلامی تعلیم کے سب سے بڑے ادارے دار العلوم دیوبند میں ہزاروں کی تعداد میں  ملکی اور غیر ملکی طلبہ ہاسٹل میں رہ کر تعلیم حاصل کرتے ہیں اور ہزاروں طالب علم ہر سال داخلہ لیتے ہیں۔ ادارے میں داخلے کے لئے مئی میں امتحانات منعقد کیے جاتے ہیں لیکن اس سال کورونا وبا کے خطرے سے نمٹنے کے لیے کیے گئے لاک ڈاؤن کے سبب سبھی تعلیمی سرگرمیاں بند ہیں اور امتحانات کو بھی ملتوی کر دیا گیا ہے۔
First published: May 07, 2020 08:57 AM IST
corona virus btn
corona virus btn
Loading