کسی بھی نئی ریاست کی تشکیل کیلئے حکومت کے زیر غور کوئی تجویز نہیں، یہ کی گئی وضاحت

لوک سبھا میں بتایا گیا کہ کسی بھی نئی ریاست کے قیام کے لیے مرکزی حکومت کے زیر غور کوئی تجویز نہیں ہے۔ مرکزی وزیر مملکت برائے داخلہ نتیانند رائے نے یہ بات ایک تحریری سوال کا جواب دیتے ہوئے کہی کہ آیا حکومت کو بندیل کھنڈ ریاست کی تشکیل کے لیے کوئی تجویز موصول ہوئی ہے۔

مرکزی وزیر مملکت برائے داخلہ نتیانند رائے نے کہا کہ مختلف فورمز و تنظیموں سے تجاویز و درخواستیں حکومت کو موصول ہوتی ہیں جن میں نئی ​​ریاستوں کے قیام کی درخواست کی جاتی ہے۔ تاہم فی الحال حکومت کے ساتھ کسی بھی نئی ریاست کے قیام کی کوئی تجویز زیر غور نہیں ہے۔

سابق میں بھی مرکزی وزارت داخلہ نے بدھ کو پارلیمنٹ میں کہا تھا کہ جموں وکشمیر کو صحیح وقت آنے پر ریاست کا درجہ دے دیا جائے گا۔ ملک کے وزیر مملکت برائے داخلہ نتیانند رائے (Nityanand Rai) نے کانگریس رکن پارلیمنٹ وویک تنخا (Vivek Tankha) کے ایک سوال کے جواب میں یہ تحریری جانکاری دی تھی۔ تنخا نے پوچھا تھا کہ کیا جموں وکشمیر اور لداخ کو ریاست کا درجہ دیئے جانے کا کوئی خاکہ ہے؟ تنخا نے یہ بھی پوچھا تھا کہ ان دونوں مرکز کے زیر انتظام ریاستوں میں الیکشن کب تک ہوں گے؟

یہ بھی پڑھیں: 

• لیہہ لداخ میں زلزلے کے جھٹکے، ریکٹر اسکیل پر زلزلے کی شدت 3.5 ماپی گئی


• یکم اپریل سے پراپرٹی ٹیکس کے نفاذ کے فیصلے کی مخالفت کےبعد اب حکومت نے عوام سے طلب کی رائے


• وقف جائیداد پر کئی خود غرض لوگوں نے غیر قانونی قبضہ کیا ہے: درخشاں اندرابی


• جموں۔کشمیر: بڈگام میں خاتون کا سنسنی قتل، لاش کو کئی ٹکڑوں میں کاٹ کر دفنایا، ملزم گرفتار


• پراپرٹی ٹیکس کی مخالفت میں آج جموں بند کی کال، کئی سیاسی پارٹیوں کی حمایت

گزشتہ اکتوبر ماہ میں مرکزی وزیر داخلہ امت شاہ نے سری نگر میں کہا تھا کہ حد بندی کا عمل اور پھر انتخابات کے بعد جموں وکشمیر کو ریاست کا درجہ (Jammu-Kashmir Statehood) دیا جاسکتا ہے۔ اس سے پہلے نیشنل کانفرنس چیف فاروق عبداللہ نے کہا تھا کہ حکومت نے حد بندی کو لےکر اپنا وعدہ توڑا ہے۔

انہوں نے کہا تھا کہ جموں وکشمیر حد بندی کمیشن کا وقت 6 مارچ کے بعد نہیں بڑھایا جائے گا۔