ہوم » نیوز » شمالی ہندوستان

اب یوپی میں مسلمانوں کے لئے بھی ہوا شادی کا رجسٹریشن لازمی، یوگی حکومت نے دی منظوری

لکھنئو۔ وزیر اعلی یوگی آدتیہ ناتھ کی صدارت میں منگل کو ہوئی کابینہ کی میٹنگ میں لازمی شادی رجسٹریشن دستور العمل کی منظوری دے دی گئی۔

  • Share this:
  • author image
    NEWS18-Urdu
اب یوپی میں مسلمانوں کے لئے بھی ہوا شادی کا رجسٹریشن لازمی، یوگی حکومت نے دی منظوری
یوگی کے جنتا دربار میں مسلم خواتین: فائل فوٹو

لکھنئو۔ وزیر اعلی یوگی آدتیہ ناتھ کی صدارت میں منگل کو ہوئی کابینہ کی میٹنگ میں لازمی شادی رجسٹریشن دستور العمل کی منظوری دے دی گئی۔ اب مسلم سمیت تمام طبقات کے لئے شادی رجسٹریشن کرانا لازمی ہوگا۔ حکومت کے ترجمان سدھارتھ ناتھ سنگھ نے کہا کہ اس دوران کئی مسلم تنظیموں نے شادی رجسٹریشن کو لازمی کئے جانے کی مخالفت کی تھی۔ ان کا کہنا ہے کہ نكاح نامہ میں شادی شدہ جوڑوں کی تصویر نہیں ہونی چاہئے۔ حالانکہ حکومت نے ان کے اس بیان کو یہ کہتے ہوئے مسترد کر دیا ہے کہ آدھار اور پاسپورٹ پر تصویر ہو سکتے ہیں تو شادی رجسٹریشن میں کیوں نہیں۔


سدھارتھ ناتھ سنگھ نے کہا کہ مسلم مذہبی رہنماؤں کو جب اس بارے میں سمجھایا گیا تو وہ مان گئے۔ غور طلب ہے کہ سپریم کورٹ کے حکم کے بعد پیشرو اکھلیش حکومت نے بھی اسے لاگو کرنے کے لئے دستور العمل بنوایا تھا۔ لیکن اس وقت مسلم مذہبی رہنماؤں نے اکھلیش یادو سے ملاقات کر اس کی مخالفت کی تھی جس کے بعد حکومت نے اس پر روک لگا دی تھی۔


شادی کا رجسٹریشن صرف 10 روپے میں ہو گا۔ جو بھی شادی کا رجسٹریشن نہیں کروائے گا اسے سرکاری سہولیات کا فائدہ نہیں ملے گا۔ غور طلب ہے کہ سپریم کورٹ کے حکم کے بعد صرف اتر پردیش اور ناگالینڈ میں ہی شادی رجسٹریشن لازمی نہیں کیا گیا تھا۔

First published: Aug 02, 2017 01:46 PM IST
corona virus btn
corona virus btn
Loading