உங்கள் மாவட்டத்தைத் தேர்வுசெய்க

    دہشت گرد اجمل قصاب کا یوپی میں جاری ہوا ذات اوررہائشی سرٹیفکیٹ، انتظامیہ میں ہلچل

    اجمل عامر قصاب: فائل فوٹو

    اجمل عامر قصاب: فائل فوٹو

    اس حادثہ سے اترپردیش کی سرگرمی پرسوالیہ نشان لگ رہے ہیں۔ معاملے کے بعد اس بات کا انکشاف ہوگیا کہ یوپی کے سرکاری دفتروں میں چند روپئے دے کرکوئی بھی کسی کا فرضی سرٹیفکیٹ بنوا سکتا ہے۔

    • Share this:
      اترپردیش کے اوریا ضلع سے ممبئی حملے کے دہشت گرد اجمل قصاب کا مبینہ طورپر رہائشی اورذات سرٹیفکیٹ جاری ہوگیا۔ اس فرضی واڑے نے افسران کے ہوش اڑا دیئے ہیں۔ معاملہ سامنے آنے کے بعد متعلقہ لیکھ پال کو معطل کردیا گیا ہے۔ وہیں دہشت گرد اجمل قصاب کے ذات اوررہائشی سرٹیفکیٹ کو منسوخ کردیا گیا ہے۔ آن لائن درخواست دہندہ کے خلاف جانچ کے احکامات دیئے گئے ہیں۔

      انگریزی اخبار'انڈین ایکسپریس' کے مطابق یہ معاملہ اوریا  ضلع کے بدھونا تحصیل کا ہے۔ قصاب کے ذات اوررہائشی سرٹیفکیٹ 21پر اکتوبر 2018 کی تاریخ لکھی ہے جبکہ اس کی جائے پیدائش امبیڈکرنگرگاوں دکھایا گیا ہے۔

      اس حادثہ سے یوپی حکومت کی سرگرمی پرسوالیہ نشان لگ رہے ہیں۔ معاملے کے بعد اس بات کا انکشاف ہوگیا کہ یوپی کے سرکاری دفاترمیں چند روپئے دے کرکوئی بھی کسی کا فرضی سرٹیفکیٹ بنوا سکتا ہے۔ واضح رہے کہ دہشت گرد اجمل قصاب کو 26/11 دہشت گردانہ حملے میں زندہ پکڑا گیا تھا۔

      ajmal-kasab-caste-and-domicile-certificate

      کون تھا اجمل قصاب؟

      ممبئی حملے کے دوران 2008 میں اجمل عامرقصاب کو اسسٹنٹ سب انسپکٹرتکارام نے زندہ پکڑلیا تھا۔ قصاب نے اپنے آپ کو چھڑانے کے لئے انسپکٹرتکارام کو گولی بھی ماردی تھی۔ خوان سے لتھ پتھ تکارام نے قصاب کونہیں چھوڑا تھا۔ بعد میں وہ قصاب کی ماری گئی گولی سے شہید ہوگئے تھے۔ جس مقام پرقصاب پکڑا گیا تھا، وہاں اب ان کی مورتی لگائی گئی ہے۔

      چارسال بعد ہوئی پھانسی

      ممبئی دہشت گردانہ 26/11 حملے کے قصوروار اجمل عامرقصاب کو 22 نومبر2012 کوپنے کے یرودا جیل میں پھانسی دے دی گئی۔ اجمل قصاب کو سزائے موت کے بعد جیل میں ہی دفن کردیا گیا۔

      یہ بھی پڑھیں:    امرتسربم دھماکہ: وزیراعلیٰ امریندر سنگھ کی ایمرجنسی میٹنگ، عوام سے امن کی اپیل، مہلوکین کو5-5 لا کھ معاوضہ کا اعلان

      یہ بھی پڑھیں:   امرتسر : نرنکاری سماگم میں دھماکہ ، تین افراد کی موت ، 10 دیگر زخمی ، دہشت گردانہ حملہ کا خدشہ

      یہ بھی پڑھیں:  جموں و کشمیر : شوپیاں سے دہشت گردوں نے ایک اور نوجوان کا کیا اغوا
      First published: