عمرخالد اورجگنیش میوانی کو ملی جان سے مارنے کی دھمکی، پولیس میں شکایت درج

نئی دہلی: جواہر لال نہرو یونیورسٹی (جے این یو) کے طلبہ لیڈر عمر خالد نے دہلی پولیس میں شکایت درج کرائی ہے کہ انہیں جان سے مارنے کی دھمکیاں مل رہی ہیں۔ دھمکی دینے والے نے خود کی شناخت فرار گینگسٹر روی پجاری بتایا ہے۔

عمر خالد نے جمعہ کو دہلی پولیس سے رابطہ کرکے دھمکی سے متعلق معاملہ درج کرایا۔ پولیس افسر نے بتایا ہے کہ وہ معاملے کی جانچ کررہےہیں، جے این یو کے طلبہ لیڈر نے ٹوئٹ کرکے پولیس سے سیکورٹی کا مطالبہ کیا تھا۔

عمر خالد نے کہا کہ انہیں تیسری بار مارنے کی دھمکی ملی ہے۔

Filed a complaint with @DelhiPolice regarding Ravi Pujari's death threat to Jignesh and me. He said that I am on his HIT LIST! I have asked for police protection, given the fact that this is the same person who had previously also issued similar threats of killing me in Feb 2016.

— Umar Khalid (@UmarKhalidJNU) June 8, 2018

واضح رہے کہ جمعہ کو دلت لیڈر اور گجرات سے آزاد ممبراسمبلی جگنیش میوانی نے بھی الزام لگایا تھا کہ انہیں روی پجاری کی طرف سے جان سے مارنے کی دھمکیاں مل رہی ہیں۔  

Day 3, threat call continues from Ravi Pujari. Today again I received a threat call on my original number from a person introducing himself as Ravi Pujari frm Australia and also sent a text saying - "stop giving provocative speeches or will shot you. Umar Khalid is also in list"

— Jignesh Mevani (@jigneshmevani80) June 8, 2018

غورطلب ہے کہ سال 2016 میں عمر خالد کے والد سید قاسم رسول الیاس نے بھی دہلی پولیس میں شکایت درج کرائی تھی کہ انہیں دھمکی بھرے فون آرہے ہیں کہ اگر انہوں نے ملک نہیں چھوڑا تو ان کے بیٹے کو مار دیا جائے گا۔ عمر خالد کے والد نے پولیس شکایت میں بتایا تھا کہ انہیں گینگسٹر روی پجاری کی طرف سے دھمکی دی جارہی ہے۔