مانسون اجلاس : مودی حکومت کے خلاف عدم اعتماد کی تحریک منظور ، اننت کمار نے کہا : ہوجائے دودھ کا دودھ اور پانی کا پانی

پارلیمنٹ کا مانسون اجلاس آج سے شروع ہوگیا ہے ۔ اس دوران مرکزی حکومت کے خلاف اپوزیشن پارٹیوں کے ذریعہ پیش کی گئی عدم اعتماد کی تحریک منظور کرلی گئی ہے ۔ اس سے پہلے پارلیمانی امور کے وزیر اننت کمار نے لوک سبھا اسپیکر کو مخاطب کرتے ہوئے کہا کہ کئی اپوزیشن پارٹیوں نے عدم اعتماد کی تحریک پیش کی ہے ، آپ سے درخواست ہے کہ اس کو منظور کرلیجئے تاکہ دودھ کا دودھ اور پانی کا پانی ہوجائے ۔

اننت کمار کی اس بات پر لوک سبھا اسپیکر سمترا مہاجن نے کہا کہ میں نے اس کو منظور کرلیا ہے ، ایک دو دن میں اس پر فیصلہ کیا جائے گا۔ خیال رہے کہ پارلیمنٹ کا یہ مانسون اجلاس 18 جولائی سے 10 اگست تک چلے گا ۔ اس دوران لوک سبھا میں زیر التوا 8  بل اور چھ آرڈیننس پر بحث ہوگی ۔ اس کے علاوہ راجیہ سبھا میں بھی 40 بل پر بحث ہوسکتی ہے۔

Lok Sabha Speaker Sumitra Mahajan accepts the No Confidence Motion moved by opposition parties, including Congress and TDP. #MonsoonSession pic.twitter.com/PNfO41QFOY

— ANI (@ANI) July 18, 2018

Congress MP Jyotiraditya Scindia says in Lok Sabha 'The govt which led farmers to commit suicide, under whose regime women are being raped everyday...we move no confidence motion against you' #MonsoonSession

— ANI (@ANI) July 18, 2018