ہوم » نیوز » شمالی ہندوستان

لوک سبھا کی کارروائی کل تک کیلئے ملتوی، نہیں پیش کی جا سکی عدم اعتماد کی تحریک

نئی دہلی۔ اپنے اپنے مطالبات لے کر اپوزیشن ارکان کے ہنگامے کی وجہ سے لوک سبھا میں آج بھی عدم اعتماد کی تحریک کو ایوان کے سامنے نہیں لایاجا سکا اور ایک بار کارروائی دن بھر کے لئے ملتوی کر دی گئی۔

  • UNI
  • Last Updated: Mar 22, 2018 01:30 PM IST
  • Share this:
  • author image
    NEWS18-Urdu
لوک سبھا کی کارروائی کل تک کیلئے ملتوی، نہیں پیش کی جا سکی عدم اعتماد کی تحریک
شور و غل اور ہنگامے کے درمیان ہی اسپیکر نے ضروری دستاویزات ایوان کی میز پر ركھوائے۔

نئی دہلی۔ اپنے اپنے مطالبات لے کر اپوزیشن ارکان کے ہنگامے کی وجہ سے لوک سبھا میں آج بھی عدم اعتماد کی تحریک کو ایوان کے سامنے نہیں لایاجا سکا اور ایک بار کارروائی دن بھر کے لئے ملتوی کر دی گئی۔ اپوزیشن کے ہنگامے کی وجہ سے صبح وقفہ سوالات نہیں ہو سکا اور لوک سبھا اسپیکر سمترا مہاجن نے چند منٹ کے اندر ہی کارروائی 12 بجے تک کے لئے ملتوی کر دی۔ کارروائی دوبارہ شروع هونے پر انادرمک اور تلنگانہ راشٹر سمیتی (ٹی آر ایس) کے رکن اپنے اپنے مطالبات کی حمایت میں بینر اور پلےكارڈ لے کر اسپیکر کی چیئر کے قریب پہنچ کر نعرےلگانے لگے جبکہ تیلگو دیشم پارٹی کے رکن اپنی اپنی سیٹوں پر کھڑے رہے. انادرمک کے رکن کاویری آبی مینجمنٹ بورڈ قائم کرنے اور ٹی آر ایس کے رکن 'ایک ملک ایک قانون' کے پلےكارڈ لئے نعرے لگا رہے تھے۔


شور و غل اور ہنگامے کے درمیان ہی اسپیکر نے ضروری دستاویزات ایوان کی میز پر ركھوائے۔ انہوں نے کہا کہ پارلیمانی امور کے وزیر اننت کمار کچھ کہنا چاہتے ہیں۔مسٹر کمار نے کھڑے ہو کر کہا کہ حکومت عدم اعتماد کی تحریک سمیت کسی بھی معاملے پر بحث کے لئے تیار ہے۔ انہوں نے کہا کہ حکومت کے پاس مکمل اکثریت ہے۔ مسٹر کمار نے ارکان سے پرسکون رہنے اور اپنی اپنی نشستوں پر جانے کی اپیل کی۔ لیکن، چیئر کے پاس نعرے لگا رہے ارکان پر ان کی اپیل کا کوئی اثر نہیں ہوا۔ اس کے بعد مسز مہاجن نے بھی ارکان سے پرسکون رہنے کی اپیل کی۔ انہوں نے کہا کہ جب تک ایوان پرسکون نہیں ہوگا، وہ قرارداد کی حمایت والے 50 ارکان کی گنتی نہیں کر سکتیں۔ مسز مہاجن نے کہا کہ وہ کسی کو دیکھ نہیں پا رہی ہیں۔


اسپیکر کے اتنا کہتے ہی کانگریس، ترنمول کانگریس، بیجو جنتا دل، بائیں بازوپارٹی اور عام آدمی پارٹی سمیت اپوزیشن کےا رکان اپنی اپنی نشستوں سے کھڑے ہو کر اور ہاتھ اٹھا کر تحریک کے تئیں حمایت کا اظہار کرنے کی کوشش کرنے لگے۔ اس دوران  کانگریس کے بہت کم اراکین ایوان میں موجود تھے۔ ہنگامہ بڑھتا دیکھ کر اسپیکر نے ایوان کی کارروائی جمعہ تک کے لئے ملتوی کر دی۔اس طرح سے مسلسل 14 دن سے ایوان کی کارروائی ٹھپ ہے۔ اس سے پہلے 11 بجے وقفہ سوالات کی کارروائی شروع ہوتے ہی انادرمک اور ٹی آر ایس کے رکن اپنے مطالبات کی حمایت میں نعرے لگاتے ہوئے ایوان کے بیچوں بیچ پہنچ گئے جبکہ ٹی ڈی پی اور وائی ایس آر کانگریس کے رکن اپنی اپنی نشستوں پر کھڑے ہو گئے۔

First published: Mar 22, 2018 01:30 PM IST
corona virus btn
corona virus btn
Loading