پی ایم مودی نے تریپورہ میں کئی پروجیکٹوں کا کیا آغاز، صفائی کی عوامی تحریک پر دی مبارکباد

وزیر اعظم نریندر مودی نے اتوار کے روز تریپورہ میں 4,350 کروڑ روپے سے زیادہ مالیت کے مختلف اہم اقدامات کا افتتاح کیا اور سنگ بنیاد بھی رکھا ہے۔ پی ایم مودی نے کہا کہ ہماری توجہ تریپورہ کی ہمہ جہت ترقی پر ہے۔ آج شروع کیے گئے پروجیکٹ ریاست کی ترقی کی رفتار کو تقویت دیں گے۔ میں مبارکباد دیتا ہوں کہ میری ماؤں کو اب لاکھوں کے گھر مل رہے ہیں۔ تریپورہ میں ڈبل انجن کی حکومت ہے، اس سے پہلے صرف الیکشن کے دوران تریپورہ پر بات ہوئی تھی۔ اس کے علاوہ جب تشدد ہوا تو تریپورہ کا حوالہ دیا گیا۔ اب چیزیں بدل گئی ہیں۔

وزیر اعظم مودی نے کہا کہ شمال مشرقی خطہ میں پچھلے 8 سال میں کئی قومی شاہراہیں بنائی گئی ہیں۔ بہت سے دیہی علاقے بھی سڑکوں سے جڑے ہوئے ہیں۔ ہماری ڈبل انجن والی حکومت کی توجہ فزیکل، ڈیجیٹل کے ساتھ ساتھ سماجی انفراسٹرکچر کو بہتر بنانے پر ہے۔ اس دوارن لوگوں نے وزیر اعظم نریندر مودی کی گاڑی پر پھولوں کی پتیاں نچھاور کیں جب انہوں نے اتوار کو تریپورہ کے اگرتلہ میں روڈ شو کیا۔

یہ بھی پڑھیں: 

• میگھالیہ دورے پر پہنچے پی ایم مودی، NEC کے گولڈن جبلی تقریب میں ہوئے شامل


• جموں میں BJYM نے بلاول بھٹو کی تصویریں جلائیں، اور کہا، پاکستان اس معاملے پر معافی مانگے


• مہاراشٹرا اسمبلی میں کرناٹک سرحدی تنازعہ کے گونج متوقع، اپوزیشن نے طلب کی تفصیلات


• شاہ رُخ نے پٹھان کو بتایا ’دیش بھکتی فلم‘، تنازعہ کے درمیان اداکار کا ٹوئٹ ہوا وائرل

اس سے پہلے دن میں وزیر اعظم نریندر نے میگھالیہ کے شیلانگ میں شمال مشرقی کونسل کی گولڈن جوبلی تقریبات میں شرکت کی۔ مرکزی وزراء امت شاہ اور جی کشن ریڈی اور تمام شمال مشرقی ریاستوں کے وزرائے اعلیٰ نے بھی تقریبات میں شرکت کی۔

تقریب سے خطاب کرتے ہوئے وزیر اعظم نے مرکز کے کاموں کی ’ذہنیت میں تبدیلی‘ پر روشنی ڈالی اور کہا کہ ان کی حکومت نے پچھلے آٹھ سالوں میں شمال مشرق کی ترقی کی راہ میں آنے والی کئی رکاوٹوں کو ’ریڈ کارڈ‘ دکھایا ہے۔