ہوم » نیوز » شمالی ہندوستان

وزیر اعظم مودی ،راجناتھ اور راہل گاندھی کا بس حادثہ میں امرناتھ یاتریوں کی موت پر رنج و غم کا اظہار

وزیراعظم نریندر مودی ، وزیر داخلہ راجناتھ سنگھ اور کانگریس کے نائب صدر راہل گاندھی نے آج جموں وکشمیر میں ہوئے بس حادثہ میں امرناتھ یاتریوں کی موت پر رنج و غم کا اظہار کیا ہے۔

  • UNI
  • Last Updated: Jul 16, 2017 09:49 PM IST
  • Share this:
  • author image
    NEWS18-Urdu
وزیر اعظم مودی ،راجناتھ اور راہل گاندھی کا بس حادثہ میں امرناتھ یاتریوں کی موت پر رنج و غم کا اظہار
وزیراعظم نریندر مودی ، وزیر داخلہ راجناتھ سنگھ اور کانگریس کے نائب صدر راہل گاندھی نے آج جموں وکشمیر میں ہوئے بس حادثہ میں امرناتھ یاتریوں کی موت پر رنج و غم کا اظہار کیا ہے۔

نئی دہلی: وزیراعظم نریندر مودی ، وزیر داخلہ راجناتھ سنگھ اور کانگریس کے نائب صدر راہل گاندھی نے آج جموں وکشمیر میں ہوئے بس حادثہ میں امرناتھ یاتریوں کی موت پر رنج و غم کا اظہار کیا ہے۔ مسٹر مودی نے ٹوئٹ کرکے کہا ’مجھے جموں وکشمیر میں بس حادثہ میں امرناتھ یاتریوں کی موت سے شدید دکھ ہ ہوا ہے۔ میں مرنے والوں کے گھر والوں کے ساتھ ہمدردی کا اظہار کرتا ہوں اور زخمیوں کے جلد صحت یاب ہونے کی دعا کرتا ہوں۔

وزیر داخلہ راجناتھ سنگھ نے بھی اس سلسلہ میں ٹوئٹ کرکے کہا کہ میں نے وزیراعلی محبوبہ مفتی سے بات چیت کی ہے انہوں نے انہیں بچاؤ اور راحتی کاموں سے واقف کرایا ہے ۔ جموں میں زخمی امرناتھ یاتریوں کو علاج کے لئے جائے حادثہ سے نکالا جارہا ہے ۔ واقعہ پر گہرے دکھ کا اظہار کرتے ہوئے انہوں نے کہاکہ بس حادثہ میں یاتریوں کی موت پر ان کے اہل خانہ سے ہمدردی کا اظہار کرتا ہوں اور زخمیوں کے جلد صحت یاب ہونے کی دعا کرتا ہوں۔

کانگریس کے نائب صدر راہل گاندھی نے بھی اس حادثہ پر رنج و غم کا اظہار کرتے ہوئے متاثرہ کنبوں کے اراکین کے ساتھ اظہار ہمدردی کیا۔ مسٹر گاندھی نے ٹوئٹ کیا ’امرناتھ یاترا پر گئے عقیدت مندوں کی بس حادثہ میں موت کی خبر سن کر دکھی ہوں۔ میں متاثرہ کنبوں کے ساتھ ہمدردی کا اظہار کرتا ہوں۔

First published: Jul 16, 2017 09:49 PM IST
corona virus btn
corona virus btn
Loading