உங்கள் மாவட்டத்தைத் தேர்வுசெய்க

    PM Modi: ہندوستان کی پہلی بین الاقوامی بلین ایکسچینج کاوزیراعظم مودی کریں افتتاح، آج دورہ گجرات

    وزیر اعظم نریندر مودی

    وزیر اعظم نریندر مودی

    واگھانی نے کہا کہ وہ انڈیا انٹرنیشنل بلین ایکسچینج (IIBX) کا بھی آغاز کریں گے، جو ملک کا پہلا بین الاقوامی بلین ایکسچینج ہے۔ آئی ایف سی اتھارٹی کے ایک بیان میں کہا گیا ہے کہ یہ تبادلہ ہندوستان میں سونے کے مالیاتی عمل کو فروغ دے گا۔

    • Share this:
      وزیر اعظم نریندر مودی (PM Modi) آج یعنی جمعرات 28 جولائی سے شروع ہونے والے اپنے دو روزہ گجرات دورے کے دوران ملک کے پہلے بین الاقوامی بلین ایکسچینج (international bullion exchange) سمیت کئی پروجیکٹوں کا آغاز کریں گے۔ گجرات میں سال کے آخر تک اسمبلی انتخابات ہونے والے ہیں۔

      ریاستی وزیر اور ترجمان جیتو واگھانی نے کہا کہ اپنے دورے کے پہلے دن مودی ہمت نگر کے قریب سابر کانٹھا ڈسٹرکٹ کوآپریٹیو دودھ پروڈیوسرس یونین (سبر ڈیری) کے 305 کروڑ روپے کے دودھ پاؤڈر پلانٹ کا افتتاح کریں گے۔ انہوں نے کہا کہ پلانٹ روزانہ 120 میٹرک ٹن دودھ کا پاؤڈر تیار کر سکتا ہے۔

      واگھانی نے کہا کہ اسٹیج سے مودی ورچوئیل طور پر صابر ڈیری (Sabar Dairy) کے تین لاکھ لیٹر فی دن دودھ کی پروسیسنگ پلانٹ کا افتتاح کریں گے اور پنیر کے پلانٹ کا سنگ بنیاد بھی کریں گے جو 600 کروڑ روپے کی لاگت سے آئے گا۔ صابر ڈیری گجرات کوآپریٹو ملک مارکیٹنگ فیڈریشن لمیٹڈ (GCMMF) کا حصہ ہے، جو امول برانڈ کا مالک ہے۔

      ایک ریلیز میں سبر ڈیری نے کہا کہ وزیر اعظم اس تقریب کے دوران سابر کانٹھا اور پڑوسی اضلاع کی 20 خواتین مویشی پالنے والوں سے بھی بات کریں گے۔ 29 جولائی کو وزیر اعظم گاندھی نگر میں گجرات انٹرنیشنل فنانس ٹیک سٹی (گفٹ سٹی) میں ہندوستان کے پہلے بین الاقوامی مالیاتی خدمات مرکز (IFSC) کا دورہ کریں گے۔

      مزید پڑھیں: 

      سٹی پولیس کی ایک پریس ریلیز میں کہا گیا ہے کہ پولیس کمشنر شنکر جیوال نے حفاظتی انتظامات کا جائزہ لیا اور ایک حفاظتی دستے تیار کیا ہے۔ جس میں 22,000 پولیس اہلکار ڈیوٹی پر ہوں گے، جن میں سینئر افسران بھی شامل ہیں۔

      مزید پڑھیں:

      واگھانی نے کہا کہ وہ انڈیا انٹرنیشنل بلین ایکسچینج (IIBX) کا بھی آغاز کریں گے، جو ملک کا پہلا بین الاقوامی بلین ایکسچینج ہے۔ آئی ایف سی اتھارٹی کے ایک بیان میں کہا گیا ہے کہ یہ تبادلہ ہندوستان میں سونے کے مالیاتی عمل کو فروغ دے گا۔

      وزیراعظم یونیفائیڈ ریگولیٹر انٹرنیشنل فنانشل سروسز سینٹرز اتھارٹی کے ہیڈ کوارٹر کا سنگ بنیاد بھی رکھیں گے۔
      Published by:Mohammad Rahman Pasha
      First published: