دہلی تشدد: دلبر نیگی قتل معاملہ میں دہلی پولیس نے شاہنواز کو کیا گرفتار

نئی دہلی۔ دہلی پولیس (Delhi Police) کی کرائم برانچ نے راجدھانی کے گوکل پوری میں پچھلے دنوں ہوئے تشدد معاملہ کے ایک ملزم شاہنواز (Shahnawaz) کو گرفتار کر لیا ہے۔ 26 فروری کو برج پوری میں دلبر نیگی کی لاش پائے جانے کے بعد معاملہ (FIR) درج کیا گیا تھا۔ دلبر نیگی کی لاش برج پوری واقع انل سویٹ ہاؤس کے پاس سے ملی تھی۔ اس سے پہلے دہلی پولیس نے تشدد کے دوران کانسٹیبل دیپک دہیا پر پستول تاننے والے ملزم شاہ رخ کو گرفتار کیا تھا۔ ملزم معاملہ کے بعد سے فرار تھا جسے یوپی سے گرفتار کیا گیا تھا۔

Delhi Police: Crime Branch has arrested an accused Shahnawaz, in the murder/riot case of Gokulpuri which was registered after the body of one Dilbar Negi was found in mutilated condition in Anil Sweet House, Brijpuri on 26th February. #DelhiViolence pic.twitter.com/p07SjSUpZS

— ANI (@ANI) March 7, 2020

اب تک 683 ایف آئی آر درج

شمال مشرقی دہلی میں ہوئے تشدد کے سلسلہ میں دہلی پولیس نے اب تک 683  ایف آئی آر درج کی ہے اور 1983 لوگوں کو پکڑا ہے۔ وہیں، آرمس ایکٹ کے تحت 48 معاملے درج کئے گئے ہیں۔

وہیں، جمعرات تک تشدد میں مرنے والوں کی تعداد 53 پر پہنچ گئی ہے۔ دہلی کے شمال مشرقی علاقے میں ہوئے تشدد میں مرنے والوں کی تعداد جی ٹی بی اسپتال میں 44، آر ایم ایل اسپتال میں 5، ایل این جے پی اسپتال میں 3 اور جگ پرویش چندر اسپتال میں 1 ہو گئی ہے۔