یوپی کے تلہارمیں پیغمبر اسلام حضرت محمد ﷺ سے متعلق سوشل میڈیاپوسٹ پرتنازعہ، پولیس تعینات

اترپردیش کے ضلع تلہار علاقے میں سیکورٹی بڑھا دی گئی جب بڑی تعداد میں لوگ ایک پولیس اسٹیشن کے باہر جمع ہوئے۔ یہ بھیڑ ایک نوجوان کی گرفتاری کا مطالبہ کر رہے تھے جس پر پیغمبر اسلام حضرت محمد صلی اللہ علیہ وسلم (Prophet Mohammad) کے سلسلے میں سوشل میڈیا پوسٹ شیئر کرنے کا الزام ہے۔ ملزم کو اس کے بعد گرفتار کر لیا گیا ہے اور اس کے گھر پر پولیس کو تعینات کر دیا گیا ہے تاکہ کسی بھی قسم کی افراتفری کو روکا جا سکے۔

پولیس سپرنٹنڈنٹ ایس آنند نے پی ٹی آئی کو بتایا کہ پولیس کو احتیاطی اقدام کے طور پر تلہار شہر کے تمام چوراہوں پر تعینات کیا گیا۔ تلہار پولس اسٹیشن کے تحت دبھورا گاؤں کے رہنے والے ورون دھون (Varun Dhawan) نے منگل کو اپنے سوشل میڈیا اکاؤنٹ پر پیغمبر اسلام حضرت محمد ﷺ سے متعلق ایک پوسٹ شیئر کی تھی۔ ایس پی نے کہا کہ اس نے یہ پوسٹ ایک اور سوشل میڈیا ہینڈل سے لی تھی۔

افسر نے بتایا کہ ملزم نے بعد میں اس پوسٹ کو ڈیلیٹ کر دیا، جو اردو میں تھی اور ایک ویڈیو بھی جاری کی کہ اس نے غلطی سے پوسٹ شیئر کی تھی۔ ملزم نے ویڈیو میں یہ بھی کہا کہ اس کا مقصد کبھی بھی کسی مذہب کے جذبات کو ٹھیس پہنچانا نہیں تھا، لیکن تب تک یہ پوسٹ وائرل ہو چکی تھی۔ ایس پی نے بتایا کہ بعد ازاں منگل کی شام کو سینکڑوں لوگ تلہار پولس اسٹیشن پہنچے اور ہنگامہ کرتے ہوئے دھون کو فوری گرفتار کرنے کا مطالبہ کیا۔

سرکل آفیسر (سی او) تلہار پرینک جین نے بتایا کہ جیسے ہی انہیں معاملے کی اطلاع ملی، وہ موقع پر گئے اور لوگوں کو پرسکون کرنے کی کوشش کی لیکن بھیڑ کا حجم بڑھتا ہی چلا گیا۔ اس کے بعد پولیس نے اسٹیشن پر مزید نفری طلب کی اور ملزم کی گرفتاری کے لیے ایک ٹیم بھیجی گئی۔ سی او نے بتایا کہ دھون کو حراست میں لے لیا گیا اور ضلع کے ایک اور پولیس اسٹیشن بھیج دیا گیا۔

یہ بھی پڑھیں: 

• چینی ہیکرزکی جانب سےانٹرنیٹ راؤٹرزکا استحصال! میلویئرکےانسٹالیشن سےسائبرحملوں میں ملوث


• UP Board: آج سے کریں امپرومنٹ اور کمپارٹمنٹ امتحان کے لیے اپلائی، یہ ہے آخری تاریخ


• کیا واقعی 31 مئی سے ایمیزون پر خریداری ہو جائے گی مہنگی؟ آخر اس کی کیاہوسکتی ہیں وجوہات


• عمران خان کے گھر میں 30-40 دہشت گردوں نے لی پناہ! حکومت کی وارننگ 24 گھنٹے میں سونپئے نہیں تو۔۔۔


• مایا نگری کو ملے گی چوتھی وندے بھارت، ممبئی سے گوا کے درمیان جلد بھرے گی رفتار، جانیے کب شروع ہوں گے آپریشن؟


• 'یا تو میں یا تیسرا شخص.... لیکن شیوکمار وزیراعلی نہیں'، ایم ایل اے نے بتایا، یہ ہے سدارمیا کا آگے کا پلان

سی او نے کہا کہ جین نے کہا کہ مظاہرین گرفتاری کے باوجود احتجاج کرتے رہے اور تبھی منتشر ہوئے جب نو منتخب میونسپل چیئرمین ہاجرہ بیگم کے شوہر نے ان سے اپنے گھروں کو واپس جانے کی اپیل کی۔ تاہم کچھ مظاہرین دھون کے گاؤں کی طرف بڑھے، جس نے پولیس کو ان کے گھر کے باہر فورس تعینات کرنے پر مجبور کیا۔

پولیس ڈبھورا کا گشت جاری رکھے ہوئے ہے اور اس کے گھر پر نظر رکھے ہوئے ہے، جہاں اس کی بہن کی شادی بھی ہونے والی ہے۔ جین نے کہا کہ اب صورتحال معمول پر ہے۔