ہوم » نیوز » شمالی ہندوستان

پروفیسرارتضیٰ کریم دوسری مرتبہ شعبہ اردودہلی یونیورسٹی کے صدرنامزد

پروفیسرارتضیٰ کریم قومی اردوکونسل میں بطورڈائریکٹر4 سال کی مدت پوری کرنے کے بعد دوبارہ تعلیمی خدمات انجام دینے کے لئے یونیورسٹی واپس لوٹے ہیں۔

  • Share this:
پروفیسرارتضیٰ کریم دوسری مرتبہ شعبہ اردودہلی یونیورسٹی کے صدرنامزد
پروفیسرارتضیٰ کریم نے شعبہ اردو دہلی یونیورسٹی میں بطور صدر دوسری مرتبہ چارج سنبھالا۔

قومی کونسل برائے فروغ اردو زبان، نئی دہلی کے سابق ڈائریکٹرنے گزشتہ روزدوسری باردہلی یونیورسٹی میں بطورصدرشعبہ اردو کاعہدہ سنبھال لیا۔ اس کا اعلان دہلی یونیورسٹی کے وائس چانسلریوگیش کے تیاگی نے گزشتہ روز9 اکتوبرکوکیا۔ اس کے بعد پروفیسرارتضیٰ کریم نے چارج بھی سنبھال لیا۔


اس سے قبل پروفیسرارتضیٰ کریم نے قومی اردو کونسل میں بطورڈائریکٹر4 سال کی مدت پوری کی۔ ڈاکٹرشیخ عقیل احمد کو حال ہی میں قومی اردو کونسل کا ڈائریکٹربنایا گیا ہے، انہیں چارج دینے کے بعد پروفیسرارتضیٰ کریم شعبہ اردو، دہلی یونیورسٹی میں واپس آگئے ہیں۔


پروفیسرارتضیٰ کریم کا شمارایک عظیم ادیب اورقلم کارکے طورپرہوتا ہے۔ تاہم قومی اردو کونسل کا ڈائریکٹر بنائے جانے کے بعد سے وہ بہترین منتظم کے طورپرابھرے ہیں۔ اس دوران انہوں نے اردو کے فروغ سے متعلق کئی اہم پروگرام بھی کئے۔ پروفیسرارتضیٰ کریم کو ہندوستان اورہندوستان سے باہربھی اعزازسے سرفراز کیا جاچکا ہے۔


پروفیسرارتضیٰ کریم سے قبل پروفیسرابن کنول شعبہ اردو کے صدر کے فرائض انجام دے رہے تھے۔ ان کی مدت اس سے قبل پوری ہوگئی تھی، لیکن یونیورسٹی انتظامیہ نے انہیں کارگزارصدر کی ذمہ داری سونپی تھی۔ تاہم پروفیسرکریم کے 4 سال بعد واپسی پرانہیں صدرنامزد کردیا گیا۔ ان کے عہدہ سنبھالنے پر شعبہ کے اساتذہ اور ریسرچ اسکالرس نے مبارکباد پیش کی ہے۔

یہ بھی پڑھیں:       کسی ادیب کو اس کی وسیع النظری بقائے دوام عطا کرتی ہے: پروفیسر ارتضیٰ کریم

یہ بھی پڑھیں:    کتابوں اور سیمینار کے لئے امداد کی منظوری نہ دینے کی وجہ سے بنایا گیا مجھ کو نشانہ : ارتضیٰ کریم

یہ بھی پڑھیں:           اردو میں دوسری زبانوں کے گوہرِ نایاب لانے کی ضرورت: ارتضیٰ کریم

یہ بھی پڑھیں:           انور جلال پوری مشاعرے کی نظامت کا ایک روشن حوالہ تھے : پروفیسر ارتضیٰ کریم 
First published: Oct 10, 2018 01:19 PM IST
corona virus btn
corona virus btn
Loading