دیکھتے رہ گئے اکھلیش ، شیو پال نے قومی ایکتا دل کو سماجوادی پارٹی میں کیا ضم

لکھنو : اتر پردیش میں وزیر اعلی اکھلیش کو بڑا جھٹکا لگا ہے ۔ ان کے شدید احتجاج کے باوجود قومی ایکتا دل کا سماجوادی پارٹی میں انضمام ہو گیا ہے ۔ اس سے پہلے وزیر اعلی اکھلیش یادو کے سامنے پارٹی کو جھکنا پڑا تھا اور قومی ایکتا دل کا پارٹی میں انضمام منسوخ کر دیا گیا تھا ۔

اس انضمام پر شیو پال یادو نے کہا کہ ملائم سنگھ نے انضمام کا فیصلہ کیا ہے۔ اس کے لئے اکھلیش سے بھی مشورہ کیا گیا ۔ ساتھ ہی ساتھ انہوں نے کہا کہ نیتا جی (ملائم سنگھ یادو) نے کہہ دیا ، تو سمجھو انضمام ہو گیا ۔  تاہم  انہوں نے یہ بھی واضح کیا کہ انضمام کا فیصلہ سب کی رضامندی کے بعد کیا گیا ہے ۔