ہوم » نیوز » شمالی ہندوستان

رام كشن کی آخری رسوم ادا، سیاسی پارٹیوں کے لیڈران کی رسوم میں شرکت، دہلی حکومت دے گی 1 کروڑ

دہلی میں خودکشی کرنے والے سابق فوجی رام كشن گریوال کی آخری رسوم آج ان کے آبائی گاؤں بھوانی کے باملا میں پورے رسم و رواج کے ساتھ ادا کر دی گئی۔

  • IBN Khabar
  • Last Updated: Nov 03, 2016 03:03 PM IST
  • Share this:
  • author image
    NEWS18-Urdu
رام كشن کی آخری رسوم ادا، سیاسی پارٹیوں کے لیڈران کی رسوم میں شرکت، دہلی حکومت دے گی 1 کروڑ
دہلی میں خودکشی کرنے والے سابق فوجی رام كشن گریوال کی آخری رسوم آج ان کے آبائی گاؤں بھوانی کے باملا میں پورے رسم و رواج کے ساتھ ادا کر دی گئی۔

بھوانی۔ دہلی میں خودکشی کرنے والے سابق فوجی رام كشن گریوال کی آخری رسوم آج ان کے آبائی گاؤں بھوانی کے باملا میں پورے رسم و رواج کے ساتھ  ادا کر دی گئی۔ ان کی آخری رسوم میں تمام سیاسی جماعتوں کے رہنما شامل ہوئے۔ ساتھ ہی گاؤں کے تمام لوگ بھی ان کی آخری رسوم میں شامل ہوئے۔ اس دوران پورے گاؤں میں غم کا ماحول رہا۔ سابق فوجی کے آبائی گاؤں میں لوگوں کی کافی بھیڑ رہی۔ گریوال کی آخری رسوم کی تیاریوں کے لئے ان کے سوگوار لواحقین، پڑوسی، دوست اور ساتھی دیگر دیہاتیوں کے ساتھ پہلے سے ہی موجود تھے۔ ہریانہ کے وزیر ٹرانسپورٹ کرشن لال پوار نے رام کرشن گریوال کے اہل خانہ کو 10 لاکھ روپے اور 1 ملازمت دلانے کا اعلان کیا ہے۔


بھوانی پہنچے دہلی کے وزیر اعلی اروند کیجریوال نے کہا کہ ان کی حکومت 1 کروڑ روپے مقتول کے خاندان کو دے گی۔ رام كشن کی آخری رسوم میں سیاسی داوں پیچ عروج پر دکھائی دیے۔ کانگریس کی جانب سے نائب صدر راہل گاندھی شامل ہوئے۔ ان کے ساتھ کانگریس کے سینئر لیڈر کمل ناتھ، بھوپندر سنگھ ہڈا، کرن چودھری، کلدیپ بشنوئی، شیلجہ اور دیگر تھے۔ اس سے پہلے راہل نے سابق فوجی کے اہل خانہ سے ملاقات کی۔ انہوں نے اہل خانہ کو تسلی دلائی۔ کانگریس ممبر پارلیمنٹ ديپندر ہڈا نے بھی وہاں پہنچ کر گریوال خاندان کے تئیں تعزیت کا اظہار کیا۔ وہیں، بھارتی جنتا پارٹی (بی جے پی) کے بھی کئی لیڈر رام كشن کی آخری رسوم میں شامل ہوئے۔


دہلی کے وزیر اعلی اروند کیجریوال اور ان کی پارٹی کے تمام کارکنان یہاں موجود تھے۔ سی ایم کیجریوال نے سابق فوجی کو خراج عقیدت پیش کیا۔


Kejriwal_IBN7_031116

اس سے پہلے ٹی ایم سی رہنما ڈیریک او برائن رام كشن کے گھر والوں سے ملے، انہوں نے خاندان کو تسلی دی۔

فوج میں صوبیدار رہے رام كشن گریوال کافی دنوں سے 'ون رینک ون پنشن' کی لڑائی لڑ رہے تھے۔ اوآر اوپی کے تحت ملنے والی پنشن کے مدنظرسابق فوجی رام كشن گریوال نے منگل کو خودکشی کر لی تھی۔
First published: Nov 03, 2016 09:33 AM IST
corona virus btn
corona virus btn
Loading