جاٹ تحریک : دہلی میں اعلی سطحی میٹنگ ، راجناتھ نے کہا : تشدد کسی بھی مسئلے کا حل نہیں

نئی دہلی : وزیر داخلہ راجناتھ سنگھ نے ہریانہ میں دیگر پسماندہ طبقات کے تحت ریزرویشن کا مطالبہ کرنے والی جاٹ برادری کے مظاہرین سے امن و شانتی بنائے رکھنے کی اپیل کرتے ہوئے آج کہا کہ تشدد کسی مسئلہ کا حل نہیں ہے۔

گزشتہ ایک ہفتے سے جاری جاٹ ریزرویشن تحریک نے گزشتہ پر تشدد میں بدل گئی تھی، جس میں پولیس کی فائرنگ میں تین افراد ہلاک اور کئی زخمی ہو گئے تھے۔ پرتشدد واقعات کے پیش نظر کل ہی فوج طلب کرلی گئی تھی۔ تحریک سے نمٹنے کے لئے ریاست کے 9 اضلاع میں فوج گشت کر رہی ہے اور تین اضلاع میں کرفیو لگا دیا گیا ہے۔

مسٹر راجناتھ سنگھ نے یہاں ایک اعلی سطح کی میٹنگ میں صورتحال کا جائزہ لیا اور ریاستی حکومت سے موصولہ اطلاع سینئر مرکزی وزراء کو دیں۔ بعد میں انہوں نے صحافیوں سے کہا کہ تشدد کسی مسئلہ کا حل نہیں ہے۔ ہر مسئلے کا حل بات چیت سے ہی ممکن ہے اور وہ مظاہرین سے امن و سکون بنائے رکھنے کی اپیل کرتے ہیں۔

میٹنگ میں مسٹر سنگھ کے علاوہ وزیر دفاع منوہر پاریکر، دیہی ترقیات کے وزیر چودھری وریندر سنگھ اور دیگر وزراء موجود تھے۔