ہوم » نیوز » شمالی ہندوستان

کیا راہل گاندھی منی شنکر ایر کے بیان سے متفق ہیں؟ راج ناتھ سنگھ کا سوال

مرکزی وزیر داخلہ راج ناتھ سنگھ نے کانگریس کے سینئر رہنما منی شنکر ایر کے وزیر اعظم نریندر مودی پر دوبارہ کئے گئے نازیبا تبصرہ پر کانگریس صدر راہل گاندھی سے سوال کیا کہ کیا وہ اس مرتبہ ایر کے خیالات سے متفق ہیں۔

  • UNI
  • Last Updated: May 14, 2019 04:30 PM IST
  • Share this:
  • author image
    NEWS18-Urdu
کیا راہل گاندھی منی شنکر ایر کے بیان سے متفق ہیں؟ راج ناتھ سنگھ کا سوال
مرکزی وزیر داخلہ راجناتھ سنگھ: فائل فوٹو۔

بھارتیہ جنتا پارٹی کے سابق صدر اور مرکزی وزیر داخلہ راج ناتھ سنگھ نے کانگریس کے سینئر رہنما منی شنکر ایر کے وزیر اعظم نریندر مودی پر دوبارہ کئے گئے نازیبا تبصرہ پر کانگریس صدر راہل گاندھی سے سوال کیا کہ کیا وہ اس مرتبہ  ایر کے خیالات سے متفق ہیں۔

راجناتھ سنگھ  نے یہاں پارٹی ہیڈکوارٹر میں ایک پریس کانفرنس میں  ایر کے بیان کے بارے میں پوچھے جانے پر کہا کہ  ایر نے گجرات اسمبلی الیکشن کے دوران بھی وزیر اعظم مودی کو نیچ کہا تھا جس کے بعد ایر کو پارٹی سے معطل کردیا گیا تھا۔ بعد میں ان کی کانگریس میں بحالی ہوگئی تھی۔ اب پھر ایر نے اسی طرح کا بیان دہرایا ہے۔ انہوں نے کہا کہ کانگریس بتائے کہ اس کا اب کیا خیال ہے۔ وزیر داخلہ کا کہنا تھا کہ کیا راہل گاندھی اس مرتبہ ایر کے خیالات سے متفق ہیں؟

مغربی بنگال میں سیاسی تشدد پر ناراضگی ظاہر کرتے ہوئے  سنگھ نے کہا کہ صحت مند جمہوریت میں سیاسی تشدد کے لئے کوئی جگہ نہیں ہے۔ کوئی خواہ کسی بھی جماعت سے تعلق رکھتا ہو سیاسی تشدد کو روکنا ہر کسی کی ذمہ داری ہے۔ ریاست میں قانون و انتظام ریاستی حکومت کی پہلی ذمہ داری ہوتی ہے اور اسی لئے مغربی بنگال میں جو کچھ بھی ہورہا ہے اسے روکنے کی ذمہ داری وزیر اعلی ممتا بنرجی کی ہے۔ انہیں اس ذمہ داری کو قبول کرنا چاہئے۔

First published: May 14, 2019 04:27 PM IST
corona virus btn
corona virus btn
Loading