ہوم » نیوز » شمالی ہندوستان

نیوز 18 رائزنگ انڈیا: روی شنکر پرساد کا دعویٰ، الیکشن میں ڈیٹا کا غلط استعمال نہیں ہونے دیں گے

روی شنکر پرساد نے بی جے پی کے 2019 کے انتخابات کے بارے میں بات چیت کرتے ہوئے کہا کہ ہم نے گزشتہ چار سالوں میں جس طرح کا کام کیا ہے وہ اس کی ایک اچھی مثال ہے کہ ہم نے ملک کے خیالات کو بدل دیا ہے ۔

  • Share this:
نیوز 18 رائزنگ انڈیا: روی شنکر پرساد کا دعویٰ، الیکشن میں ڈیٹا کا غلط استعمال نہیں ہونے دیں گے
مرکزی وزیر روی شنکر پرساد

نیوز 18 رائزنگ انڈیا پروگرام میں پیر کے روز مرکزی وزیر روی شنکر پرساد، سریش پربھو اور پیوش گوئل موجود رہے۔ اطلاعات ونشریات کے وزیر روی شنکر پرساد نے واضح کیا کہ آئندہ لوک سبھا انتخابات 2019 میں ہم ڈیٹا کا غلط استعمال نہیں ہونے دیں گے۔ روی شنکر پرساد نے بی جے پی کے 2019 کے انتخابات کے بارے میں بات چیت کرتے ہوئے کہا کہ ہم نے گزشتہ چار سالوں میں جس طرح کا کام کیا ہے وہ اس کی ایک اچھی مثال ہے کہ ہم نے ملک کے خیالات کو بدل دیا ہے ۔

انہوں نے مزید کہا کہ آج ہندوستان میں ڈیجیٹل ٹرانفارمیشن ہورہا ہے ، یہ عوام کیلئے کم قیمت والی ٹیکنالوجی ہے ۔ آپ ای گورننس دیکھئے ، آج ہندوستان کا غریب خود کو مضبوط سمجھنے لگا ہے ۔ پرساد نے کہا کہ آج ہندوستان دنیا کی چھٹی سب سے بڑی معیشت ہے ۔ ہم اس کو پانچویں بڑی معیشت بنائیں گے ۔ ہندوستان میں اسٹارٹ اپ کیلئے سب سے بڑی مہم چلائی جائے گی ۔


سوشل میڈیا کے دور میں الیکشن پر بات چیت کرتے ہوئے پرساد نے کہا کہ میں ایک جنرل آئیڈیا دے سکتا ہوں ، میں نے یہ واضح کردیا ہے کہ سوشل میڈیا کمپنیوں کا ہندوستان میں تجارت کرنے کیلئے خیرمقدم ہے ، لیکن الیکشن میں فائدہ کیلئے ہندوستانیوں کے ڈیٹا کا غلط استعمال بالکل بھی برداشت نہیں کیا جائے گا ۔ کسی بھی کمپنی کی طرف سے کسی بھی طرح کے ڈیٹا کی چوری برداشت نہیں کی جائے گی ۔


انڈسٹری سے متعلق نئی پالیسی کی بابت سریش پربھو نے کہا کہ یہ مکمل ہوچکی ہے ، کابینہ کی منظوری کا انتظار ہے ۔ یہ دیکھنے کی بات ہوگی کہ ہم یہ ابھی کرتے ہیں یا پھر انتخابات کے بعد کرتے ہیں ۔ اپوزیشن پر حملہ بولتے ہوئے پرساد نے کہا کہ 2019 کا ہندوستان 1990 کا ہندوستان نہیں ہے ۔ یہاں 40 دن کیلئے یا دو مہینوں کیلئے وزیر اعظم بنتے ہیں ۔ اب ہندوستان کو گلوبل سپرپاور بننے سے کوئی نہیں روک سکتا ہے ۔ ہندوستان کو ایسا لیڈر چاہئے جو فیصلے لے سکے ۔ بین الاقوامی برادری کو ایک ایسا وزیر اعظم دیکھنا ہے جس کے پاس اکثریت ہو ۔ اس مبینہ مہا گٹھ بندھن میں وزیر اعظم کون ہے ؟ ممتا بنرجی یا کوئی اور ؟ ہم چھتیس گڑھ میں ہارے ، لیکن مدھیہ پردیش میں نہیں ۔


ہندوستان کے معاشی روڈ میپ پر مرکزی وزیر سریش پربھو نے کہا کہ پہلی بات تو یہ ہے کہ ہم آگے بڑھ رہے ہیں ۔ یہ گلوبل ٹریڈ کیلئے ایک غیر متوقع دور ہے ۔ اس کے باوجود ہمارا ایکسپورٹ بڑھ رہا ہے ، اس کے ساتھ ہی ہم نئے مارکیٹ اور نئے پروڈکٹس کی تلاش کررہے ہیں ۔


 
First published: Feb 25, 2019 07:56 PM IST
corona virus btn
corona virus btn
Loading