ہوم » نیوز » شمالی ہندوستان

آدھار کارڈ والے میسیج اور کال سے اب ملے گی راحت

سپریم کورٹ نے بینک اکاؤنٹس اور موبائل فون نمبر کوآدھار نمبر سے جوڑنے پر حکومت کے فیصلے پر عبوری روک لگانے سے انکار کرتے ہوئے، جج نے کہا کہ عدالت کی دوسری بینچ یہ فیصلہ کرے گی۔

  • UNI
  • Last Updated: Nov 03, 2017 09:11 PM IST
  • Share this:
  • author image
    NEWS18-Urdu
آدھار کارڈ والے میسیج اور کال سے اب ملے گی راحت
سپریم کورٹ نے کہا کہ تاریخ ضروری ہے لیکن ان سب میں قانون سب سے اوپر ہے۔ تمام ججوں نے اتفاق رائے سے فیصلہ لیا ہے۔ آستھا پر زمین کے مالکانہ حق کا فیصلہ نہیں۔

نئی دہلی: سپریم کورٹ نے بینک اکاؤنٹس اور موبائل فون نمبر کوآدھار نمبر سے جوڑنے پر حکومت کے فیصلے پر عبوری روک لگانے سے انکار کرتے ہوئے، جج نے کہا کہ عدالت کی دوسری بینچ یہ فیصلہ کرے گی۔ جسٹس اے کے سیکری اور جسٹس اشوک بھون کی ایک بینچ نے اس معاملے پر چار درخواستوں پر سماعت کرتے ہوئے حکومت سے جواب طلب کیا ہے عدالت عظمی نے حکومت کے اس فیصلے پر عبوری روک نہیں لگایا اور کہا کہ آدھار سے متعلق معاملات پر حتمی سماعت اسی مہینے کے اختتام تک شروع کرے گی ۔

بینچ نے کہا ہے کہ موبائل فون کمپنیوں کو گراہکوں اور بینک اکاؤنٹ ہولڈر کو پیغامات بھیج کر خوف پیدا نہ کریں ۔ اس صورت میں، گراہکوں کو مسلسل پیغام بھیج کر آگاہ کیا جارہا ہے اگر اکاؤنٹس اور موبائل فون نمبر آدھارسے منسلک نہیں ہوتے تو ان کا اکاؤنٹ اور فون غیر فعال ہوجائے گا۔حکومت نے اس بات سے واضح طور سے انکار کر دیا ہے کہ ایسے پیغامات بھیجے گئے ہیں ، جس پر جسٹس سیکری نے کہا، ’’میں کہنا تو نہیں چاہتا ہوں لیکن مجھے بھی اس طرح کے پیغامات وصول ہورہے ہیں۔’’بینچ نے کہا کہ ایسے پیغامات لوگوں کو نہ بھیجے جائیں ۔

بینچ نے مرکزی حکومت سے کہا ہے کہ کمپنیوں سے موبائل نمبر اور بینک اکاؤنٹس کو آدھار سے منسلک کرنے سے متعلق آخری تاریخ کے پیغام بھیجے ۔ مرکزی حکومت نے کل سپریم کورٹ میں ایک حلف نامہ دیا تھا جس میں موبائل فون ہولڈروں کو اگلے سال 6 فروری تک اپنے نمبر منسلک کرنے کو لازمی قرار دیا تھا ۔حکومت کی دلیل تھی کہ اپنا گراہک جانو تصدیق کے عمل کے تحت تمام موبائل فون نمبروں کو آدھار سے جوڑنا لازمی ہے۔ نیا بینک کھاتہ کھلوانے کے لئے بھی آدھار لازمی کیا گیا تھا۔

First published: Nov 03, 2017 09:07 PM IST