انکم ٹیکس کی ٹیم نے سہارنپور میں ڈالا ڈیرا، مسلسل تیسرے دن بھی چھاپہ جاری، نشانے پر کئی کاروباری

سہارنپور کے کئی تاجروں کی رہائش گاہوں اور اداروں پر انکم ٹیکس کے چھاپے ہفتہ کو مسلسل تیسرے دن بھی جاری رہے۔ 24 نومبر سے جاری انکم ٹیکس کے چھاپوں نے پورے شہر میں ہلچل مچا دی ہے۔ آپ کو بتاتے چلیں کہ 24 نومبر کی صبح تقریباً 6 بجے انکم ٹیکس حکام نے انکم ٹیکس کی ایک درجن سے زیادہ گاڑیوں میں شہر کے کئی تاجروں کے مختلف مقامات پر چھاپے مارے۔ محکمہ انکم ٹیکس کی چھاپہ مار کارروائی سے شہر کے تاجروں میں خوف و ہراس پھیل گیا ہے۔ جن تاجروں کے یہاں چھاپے مارے جا رہے ہیں ان میں سے کئی پراپرٹی ڈیلنگ کا بھی کام کرتے ہیں۔

محکمہ انکم ٹیکس کی ٹیم نے ایک جیولر کی کورٹ روڈ اسٹیبلشمنٹ اور چرچ کمپاؤنڈ کی رہائش گاہ پر چھاپہ مارا۔ جس کے بعد ٹیم نے دیر رات تک کورٹ روڈ پر واقع دکان کی چھان بین کی۔ جیولرز پراپرٹی کا بھی کاروبار کرتے ہیں۔ ٹیم نے شہر میں شہد کے تاجر کی رہائش گاہ پر بھی چھاپہ مارا۔ انکم ٹیکس ٹیم نے احمد آباد میں ایک سی اے کی رہائش گاہ پر بھی چھاپہ مارا ہے۔ ان کے علاوہ ٹیم نے ایک ہارڈ ویئر کاروباری کے یہاں پر بھی چھاپہ مارا۔

 

 

منی لانڈرنگ کیس میں Yes Bank کے شریک بانی رانا کپور کو راحت، ہائی کورٹ سے ملی ضمانت

سی بی آئی نے داخل کی چارج شیٹ، ای ڈی کی بھی تیاری، منیش سسودیا کا نام نہیں

موصولہ اطلاعات کے مطابق چھاپہ مار ٹیم میں غازی آباد کے علاوہ دہلی اور کانپور کے افسران بھی شامل رہے۔ ٹیم ان تمام تاجروں سے پوچھ گچھ کر رہی ہے۔ تمام مقامات پر محکمہ انکم ٹیکس کی کارروائی دیر شام تک جاری رہی۔ حالانکہ ٹیم میں شامل انکم ٹیکس حکام نے کچھ ببھی تانے سے انکار کر دیا ہے۔ یہی چھاپہ دوسرے دن یعنی 25 نومبر کی دیر رات تک جاری رہی ور تمام افسران نے پوری رات ان تمام تاجروں کی رہائش گاہوں پر گزاری۔ آپ کو بتاتے چلیں کہ گزشتہ 48 گھنٹوں سے جاری مسلسل کارروائی کی وجہ سے شہر میں چرچاؤں کا ماحول گرم ہے۔