உங்கள் மாவட்டத்தைத் தேர்வுசெய்க

    کچھ دنوں میں اے ٹی ایم سے نکلیں گے 2 ہزار کے نوٹ، حکومت نے کیا یہ اعلان

    تصویر: اے این آئی

    تصویر: اے این آئی

    خزانہ سیکرٹری شكتی کانت داس نے پیر کو کہا کہ حکومت کی توجہ ان تمام ذرائع کو چالو کرنے پر ہے جن سے عام آدمی کو کیش دیا جا سکے۔

    • News18.com
    • Last Updated :
    • Share this:
      نئی دہلی۔ بڑے نوٹ بند کرنے اور نئے نوٹ لے کر آنے کے فیصلے کے بعد سے حکومت کے نئے نئے اعلانات جاری ہوتے رہتے ہیں۔ خزانہ سیکرٹری شكتی کانتا داس نے پیر کو کہا کہ حکومت کی توجہ ان تمام ذرائع کو چالو کرنے پر ہے جن سے عام آدمی کو کیش دیا جا سکے۔ شكتی کانت داس نے کہا کہ آر بی آئی کے پاس بھرپور پیسہ ہے اور لوگوں کو گھبرانے کی ضرورت نہیں ہے۔

      انہوں نے کہا کہ تمام اے ٹی ایم میں 500 کے نوٹ ڈالے جا رہے ہیں اور ایسی کوشش ہے کہ تمام اے ٹی ایم کو چالو کیا جا سکے۔ انہوں نے ملک بھر میں مائیکرو اے ٹی ایم کی سہولت کی بھی بات کہی۔ انہوں نے کہا کہ کچھ دنوں میں اے ٹی ایم سے 2 ہزار روپے کے نوٹ بھی ملیں گے۔ شكتی کانت داس نے اپنی پریس بریفنگ میں کیا کیا بڑی باتیں کہیں، جانیے۔

      معاشی امور کے محکمہ کے سکریٹری نے کہا کہ لوگوں کو نقد رقم فراہم کرنے کے تمام ذرائع کو چالو کرنے پر حکومت کی توجہ مرکوز ہے۔

      بینک، بینکنگ صارفین کی نقدی رکھنے کی حد بڑھا کر 50 ہزار روپے کریں گے۔

      ملک کے 1.3 لاکھ ڈاک خانوں کو نقد رقم کی فراہمی بڑھائی جائے گی۔

      اے ٹی ایم آج یا کل سے 2000 روپے کے نئے نوٹ دینا شروع کر دیں گے۔

      بڑی تعداد میں چھوٹی اے ٹی ایم (مائیکرو اے ٹی ایم) لگائے جائیں گے۔ نئے نوٹوں کے مطابق بدلے گئے اے ٹی ایم سے ہی ایک دن میں زیادہ سے زیادہ 2500 روپے نکالے جا سکیں گے۔

      ریزرو بینک نے معلومات دی ہے کہ سسٹم میں کافی مقدار میں نقد رقم دستیاب ہے۔ پریشان ہونے کی کوئی ضرورت نہیں ہے۔ موجودہ صورتحال آنے والے دنوں میں معمول پر آ جائے گی۔
      First published: