ہوم » نیوز » شمالی ہندوستان

بابری مسجد -رام جنم بھومی تنازعہ کو باہمی رضامندی سے حل کرنے کا سپریم کورٹ کا مشورہ

نئی دہلی۔ رام جنم بھومی۔ بابری مسجد معاملے پر سپریم کورٹ نے ثالثی کی پیشکش کی ہے۔

  • UNI
  • Last Updated: Mar 21, 2017 01:14 PM IST
  • Share this:
  • author image
    NEWS18-Urdu
بابری مسجد -رام جنم بھومی تنازعہ کو باہمی رضامندی سے حل کرنے کا سپریم کورٹ کا مشورہ
سپریم کورٹ : فائل فوٹو۔

نئی دہلی۔ سپریم کورٹ نے رام جنم بھومی -بابری مسجد ملکیت مقد مہ سے وابستہ فریقوں سے اس مسئلے کو مل بیٹھ کر دوستانہ طریقے سے حل کرنے کی صلاح دی ہے۔ بھارتیہ جنتا پارٹی (بی جے پی) کے لیڈر سبرامنیم سوامی نے آج سپریم کورٹ سے رام جنم بھومی -بابري مسجد تنازعہ پر جلد سماعت کرنے کی درخواست کی تھی، اس پر چیف جسٹس جے ایس كیہهر نے کہا کہ یہ بہت ہی حساس معاملہ ہے، اس لئے بہتر ہوگا کہ اس تنازعہ سے وابستہ تمام فریق اس کو باہمی رضامندی سے حل کر لیں۔ انہوں نے کہا کہ اگر متعلقہ فریقین چاہیں تو وہ خود اس معاملے میں مداخلت کرنے کو تیار ہیں یا کسی دیگر عدالتی حکام کو بھی وہ اس کے لئے منتخب کر سکتے ہیں۔


مسٹر سبرامنیم سوامی نے بعد میں نامہ نگاروں سے کہا کہ انہوں نے عدالت سے درخواست کی کہ معاملے کو باہمی رضامندی سے حل کرنے کے لئے عدالت ہی حکم دے تو مناسب ہوگا۔ انہوں نے کہا کہ اس پر چیف جسٹس نے ان سے اس معاملے کو 31 مارچ کو عدالت میں دوبارہ اٹھانے کو کہا ہے۔

First published: Mar 21, 2017 11:46 AM IST