ہوم » نیوز » شمالی ہندوستان

ایودھیا فیصلہ: نظر ثانی درخواستوں پر سپریم کورٹ میں آج ہو گی سماعت

پانچ رکنی بنچ میں چیف جسٹس ایس اے بوبڈے کےعلاوہ چیف جسٹس سنجیو کھنہ، ڈی وائی چندرچوڑ، اشوک بھوشن اورجسٹس ایس عبدالنظیر شامل ہیں۔

  • Share this:
ایودھیا فیصلہ: نظر ثانی درخواستوں پر سپریم کورٹ میں آج ہو گی سماعت
ایودھیا معاملہ پرسپریم کورٹ میں ریویو پٹیشن پر آج ہوگی سماعت۔

نئی دہلی:  سپریم کورٹ ایودھیا تنازعہ معاملے میں اپنے دیئےفیصلے پرنظر ثانی کی درخواستوں پر سماعت جمعرات کو کرے گا۔ چیف جسٹس ایس اے بوبڈے کی صدارت والی پانچ رکنی بنچ نظرثانی درخواستوں پر سماعت کرے گی۔ پانچ رکنی بنچ میں چیف جسٹس ایس اے بوبڈے کےعلاوہ چیف جسٹس سنجیو کھنہ، ڈی وائی چندرچوڑ، اشوک بھوشن اورجسٹس ایس عبدالنظیر شامل ہیں۔ بنچ یہ فیصلہ لے گی کہ ان نظر ثانی درخواستوں پر سماعت چیمبرمیں ہوگی یا اوپن کورٹ میں۔


واضح رہے کہ سپریم کورٹ کی آئینی بینچ کے ذریعہ 9 نومبرکو دیئے گئے ایودھیا فیصلے پرآل انڈیا مسلم پرسنل لاء بورڈ اورجمعیۃ علماء ہند کی حمایت سے مسلم فریق کی جانب سے 4 نظرثانی کی عرضیاں داخل کی گئی ہیں۔ عرضی داخل کرنے والوں میں مسلم فریق مصباح الدین، حسب اللہ، حاجی محبوب، رضوان احمد کے نام ہیں۔ کہا جا رہا ہے کہ کھلی عدالت میں سماعت ہوئی توان کی پیروی سینئر وکیل ڈاکٹر راجیو دھون کریں گے۔




 
First published: Dec 12, 2019 12:09 AM IST