ہوم » نیوز » شمالی ہندوستان

سہارا گروپ کے سربراہ سبرت رائے کی مشکلات میں اضافہ ، سپریم کورٹ کا مہلت دینے سے انکار

سپریم کورٹ نے سہارا گروپ کے سربراہ سبرت رائے کو سیبی کے پاس قریب 5100 کروڑ روپے جمع کرانے کے لئے مزید مہلت دینے سے آج انکار کر دیا۔

  • UNI
  • Last Updated: Apr 06, 2017 11:15 PM IST
  • Share this:
  • author image
    NEWS18-Urdu
سہارا گروپ کے سربراہ سبرت رائے کی مشکلات میں اضافہ ، سپریم کورٹ کا مہلت دینے سے انکار
سپریم کورٹ نے سہارا گروپ کے سربراہ سبرت رائے کو سیبی کے پاس قریب 5100 کروڑ روپے جمع کرانے کے لئے مزید مہلت دینے سے آج انکار کر دیا۔

نئی دہلی : سپریم کورٹ نے سہارا گروپ کے سربراہ سبرت رائے کو سیبی کے پاس قریب 5100 کروڑ روپے جمع کرانے کے لئے مزید مہلت دینے سے آج انکار کر دیا۔ جسٹس دیپک مشرا کی صدارت والی دو رکنی بنچ نے مسٹر رائے کو سیبی کے کھاتہ میں رقم جمع کرنے کے لئے کچھ اور وقت دینے سے انکار کر دیا۔ سہارا سربراہ کو یہ رقم 13 اپریل تک جمع کرانی ہے۔ مسٹر رائے کی جانب سے سینئر وکیل سلمان خورشید نے بنچ کے سامنے اس معاملہ کا خاص طورسے ذکر کیا اورتقریبا 5100 کروڑ روپے جمع کرانے کے لئے کچھ اور مہلت دینے کی درخواست کی ، لیکن انہیں راحت نہیں ملی۔

عدالت نے کہا کہ سہارا سربراہ کو پہلے ہی کافی مہلت دی جا چکی ہے۔ بنچ نے سہارا گروپ کو آگاہ بھی کیا کہ اگر کمپنی مقررہ وقت پر سیبی کے پاس یہ رقم جمع نہیں کراتی ہے تو عدالت کمپنی کی پونے واقع امبے ویلی پروجیکٹ کی نیلامی کو ہری جھنڈی دکھا دیگی۔ عدالت عظمی نے کیس کی اگلی سماعت کے لئے 17 اپریل کی تاریخ مقرر کی ہے۔

First published: Apr 06, 2017 11:15 PM IST
corona virus btn
corona virus btn
Loading