یروشلم تنازع : مولانا بدر الدین اجمل نے سشما سورج کو کہا شکریہ ، وزیر خارجہ نے کہا :  اب آپ ہمارے لئے ووٹ کیجئے گا

نئی دہلی : وزیر خارجہ سشما سوراج اور آل انڈیا یونائٹیڈ ڈیموکریٹک فرنٹ کے سربراہ اور ممبر پارلیمنٹ بدر الدین اجمل کے درمیان ایک ٹویٹر سرخیوں میں ہے ۔ دراصل مولانا بدر الدین اجمل نے اقوام متحدہ کی جنرل اسمبلی میں یروشلم سے متعلق امریکی صدر ٹرمپ کے فیصلہ کے خلاف ہندوستان کے ووٹ کرنے پر وزیر خارجہ سشما سوراج کا شکریہ ادا کیا تھا ، جس کے جواب میں  سشما سوراج نے بھی شکریہ کہا ۔ ساتھ ہی ساتھ وزیر خارجہ نے ٹویٹ میں کہا کہ اب آپ ہمارے لئے ووٹ کیجئے گا ۔
سشما سوراج کے اس ٹویٹ کے جواب میں پھر مولانا بدر الدین اجمل نے ٹویٹ کیا اور کہا کہ ہمارا ووٹ ہمیشہ ہندوستان کیلئے ہے ، جس دن بی جے پی اقلیت اور اکثریت میںبھید بھاو کرنا بند کردے گی ، اس دن میرا ووٹ آپ کیلئے ہوگا ۔
خیال رہے کہ امریکی صدر نے کچھ دنوں قبل ہی یروشلم کو اسرائیل کی راجدھانی تسلیم کرنے اور اپنے سفارت خانہ کو یروشلم منتقل کرنے کا اعلان کیا تھا ، جس کی دنیا بھر میں مذمت کی گئی تھی اور اب بھی جاری ہے ۔ اسی سلسلہ میں اقوام متحدہ کی جنرل اسمبلی میں بھی ایک قرار داد پر ووٹنگ ہوئی ، جس میں ہندوستان نے امریکہ اور اسرائیل کے خلاف فلسطین کے حق میں ووٹ کیا ۔ یہ قرارداد بھاری اکثریت کے ساتھ جنرل اسمبلی میں منظوری ہوئی تھی۔

Thanks Government of India for voting in the UN against US decision of Jerusalem as Israel's capital.@SushmaSwaraj

— M Badruddin Ajmal (@BadruddinAjmal) December 22, 2017

Thank you Ajmal Sahib. Now you vote for us. https://t.co/OsQPv4PNDe

— Sushma Swaraj (@SushmaSwaraj) December 22, 2017

Our vote is always for India, Madam. The day BJP does not differentiate between Majority and Minority community, our vote will be for you. https://t.co/yLoEoCazqD

— M Badruddin Ajmal (@BadruddinAjmal) December 23, 2017