ویسٹ انڈیز دورہ سے قبل گیند بازوں کو دی جا رہی ہے بلے بازی کی خاص ٹریننگ

نئی دہلی : ٹیم انڈیا کی ایک پرانی بیماری ہے ، ٹاپ آرڈر اگر گیا ، تو میچ گیا ۔ بین الاقوامی کرکٹ میں اس کی بہت سی مثالیں ہیں ۔ لیکن  اب ٹیم انڈیا صرف ٹاپ آرڈر پر منحصر نہیں رہنے والی ۔  بنگلور میں ٹیم انڈیا کا جو ٹریننگ کیمپ چل رہا ہے ، اس میں لوور آدر بلے بازوں سے رن بنوانے کیلئے ان کو مخصوص ٹریننگ دی جارہی ہے ۔ تاکہ آخری موقعوں پر ٹیم کو بلے بازوں کی کمی کا احساس نہ ہوا ۔

آر اشون، رویندر جڈیجہ، بھونیشور کمار اور امت مشرا جیسے گیند بازوں کو بلے بازی کی خاص تربیت دی جا رہی ہے ۔ دراصل یہ ٹریننگ اسی پروگرام کا حصہ ہے، جس میں ہر کرکٹر کو ہر صورت حال کے لئے تیار کیا جا رہا ہے ۔ تبھی تو کپتان وراٹ کوہلی نے بنگلور میں وکٹ کیپنگ کے دستانے پہن کر سب کو چونکا دیا ۔

ٹیم انڈیا کی اس ٹریننگ کا اصل امتحان ویسٹ انڈیز میں ہوگا ۔  مداح کو انتظار رہے گا کہ یوگا سے لے کر جم تک ، کھلاڑیوں کی یہ محنت میدان پر مستعدی بڑھانے اور انہیں کول رکھنے میں کتنی مددگار ثابت ہوتی ہے ۔