ہوم » نیوز » شمالی ہندوستان

دہلی: تصادم کے بعد 5 مشتبہ دہشت گرد گرفتار، 3 کشمیری اور 2 کا تعلق پنجاب سے

ڈی سی پی اسپیشل سیل پرمود کشواہا نے بتایا کہ قومی دارالحکومت دہلی واقع شکرپور میں 5 لوگ ایک تصادم میں پکڑے گئے۔ انہوں نے بتایا کہ 5 میں سے 3 کشمیر اور 2 پنجاب کے ہیں۔ کشواہا نے بتایا کہ ان کے پاس سے ہتھیار اور دیگر سامان برآمد ہوئے ہیں۔

  • Share this:
دہلی: تصادم کے بعد 5 مشتبہ دہشت گرد گرفتار، 3 کشمیری اور 2 کا تعلق پنجاب سے
دہلی: تصادم کے بعد 5 مشتبہ دہشت گرد گرفتار، 3 کشمیری اور 2 کا تعلق پنجاب سے

نئی دہلی۔ دہلی کے شکرپور میں تصادم کے بعد پانچ مشتبہ دہشت گردوں  (Terrorist Arrested In Delhi) کو ہتھیار کے ساتھ پکڑا گیا ہے۔ پکڑے گئے لوگوں میں 2 پنجاب اور 3 کشمیر کے ہیں۔ ڈی سی پی اسپیشل سیل پرمود کشواہا نے بتایا کہ قومی دارالحکومت دہلی واقع شکرپور میں 5 لوگ ایک تصادم میں پکڑے گئے۔ انہوں نے بتایا کہ 5 میں سے 3 کشمیر اور 2 پنجاب کے ہیں۔ کشواہا نے بتایا کہ ان کے پاس سے ہتھیار اور دیگر سامان برآمد ہوئے ہیں۔


نیوز ایجنسی اے این آئی کے مطابق، دہلی پولیس نے کہا کہ اس گروپ میں پاکستانی خفیہ ایجنسی آئی ایس آئی کے ذریعہ ڈرگس کے کاروبار کے لئے مدد ملی ہوئی تھی۔ پولیس نے بتایا کہ یہ پانچوں کس دہشت گرد تنظیم سے منسلک ہیں، اس کی تصدیق ہونا ابھی باقی ہے۔



موصولہ اطلاعات کے مطابق، کشمیر کے تین دہشت گردوں کی شناخت شبیر احمد، محمد ایوب پٹھان اور ریاض کے طور پر ہوئی ہے۔ وہیں، پنجاب کے دو دہشت گردوں گرجیت سنگھ اور سکھدیپ سنگھ کو پولیس نے پکڑا ہے۔

بڑے  واقعہ کو انجام دینے کی فراق میں تھے یہ دہشت گرد!
میڈیا رپورٹوں کے مطابق، پکڑے گئے مشتبہ دہشت گرد قومی راجدھانی دہلی میں کسی بڑے واقعہ کو انجام دینے کی کوششوں میں جٹے تھے۔ پولیس نے خفیہ رپورٹوں کے بعد اس علاقے میں کارروائی کی اور انہیں گرفتار کیا ہے۔ بتا دیں کہ مودی حکومت کے منظور کردہ تین زرعی قوانین کے خلاف کسانوں کی تحریک پچھلے 12 دنوں سے جاری ہے۔ کسانوں نے 8 دسمبر کو بھارت بند کا اعلان کیا ہے جس کی کانگریس سمیت کئی سیاسی پارٹیوں نے حمایت کی ہے۔
Published by: Nadeem Ahmad
First published: Dec 07, 2020 11:00 AM IST