مرکزی وزیر گری راج سنگھ کا متنازع بیان۔ کہا۔ دار العلوم دیوبند دہشت گردی کی گنگوتری، سی اے اے کی نہیں بلکہ ملک کی ہو رہی ہے مخالفت

نئی دہلی۔ اپنے متنازع بیانات کے لئے مشہور مودی حکومت میں مرکزی وزیر گری راج سنگھ نے ایک بار پھر متنازع بیان دیا ہے۔ اس بار انہوں نے یہ بیان دارالعلوم دیوبند کے سلسلہ میں دیا ہے ۔ گری راج نے کہا ہے کہ دیوبند دہشت گردی کی گنگوتری ہے اور بڑے بڑے دہشت گرد یہیں سے نکلتے ہیں ۔ انہوں نے مزید کہا کہ سی اے اے کی مخالفت نہیں بلکہ ملک کی مخالفت کی جارہی ہے۔

میڈیا رپورٹوں کے مطابق، دیوبند کے ایک آشرم میں پہنچے گری راج سنگھ نے شہریت قانون کے خلاف مظاہرہ کرنے والوں کو بھی اپنی زبردست تنقید کا نشانہ بنایا۔ انہوں نے کہا کہ ’’وہ (دیوبند کے مظاہرین) سی اے اے کے خلاف لڑائی نہیں لڑ رہے، بلکہ وہ غزوۂ ہند کے لیے لڑائی لڑ رہے ہیں۔ غزوۂ ہند کو ہندوستان میں لا کر وہ مسلم راشٹر بنانا چاہتے ہیں۔ ہم ان کا یہ مقصد کامیاب نہیں ہونے دیں گے‘‘۔ وہیں، دلی میں ہوئی شرمناک شکست پر گری راج نے کہا کہ اگر چوک نہ ہوتی تو ہم جیتی بازی ہارتے نہیں۔

Union Minister Giriraj Singh in Saharanpur: Maine ek baar kaha tha ki yeh Deoband aatankvaad ki Gangotri hai. Saare bade bade duniya mein jo bhi paida huye aatankvaadi, chahe Hafiz Saeed ka mamla ho, yeh saare ke saare log yahin se nikalte hain. (11.02.2020) pic.twitter.com/VFSuqIhZV7

— ANI UP (@ANINewsUP) February 12, 2020