ہوم » نیوز » شمالی ہندوستان

بی جے پی نے کہا "راجیہ سبھا میں ہنگامہ کانگریس اورترنمول کی سازش کا حصہ"۔

پرکاش جاوڈیکرنے کہا کہ آسام میں این آرسی کے معاملہ پرراجیہ سبھا میں ہوئی بحث کے دوران ترنمول اور کانگریس کے اراکین کی ہنگامہ آرائی پرسوال اٹھایا۔

  • UNI
  • Last Updated: Aug 01, 2018 09:55 PM IST
  • Share this:
  • author image
    NEWS18-Urdu
بی جے پی نے کہا
بی جے پی کےسینئرلیڈر اور مرکزی وزیر پرکاش جاوڈیکر نےکہا کہ پورا ملک کورونا سے لڑرہا ہے اور وزیراعظم مودی کے ساتھ کھڑا ہے۔

نئی دہلی: بھارتیہ جنتا پارٹی (بی جے پی) نے کانگریس اور ترنمول کانگریس پر آسام میں بنگلہ دیشی دراندازوں کو بچانے کا الزام لگاتے ہوئے بدھ کو کہاکہ ان پارٹیوں کے اراکین نے سازش کے تحت راجیہ سبھا کی کارروائی نہیں چلنے دی۔


پارٹی نے سوال کیا کہ آسام میں قومی شہریت رجسٹر (این آر سی ) بننے سے ان جماعتوں کا کیا خوف ہے اور کہاکہ ترقی پسند اتحاد کی لیڈر سونیا گاندھی اس معاملہ پر اپنا موقف واضح کریں۔

بی جے پی کے سینئر لیڈر پرکاش جاوڈیکر نے یہاں پریس کانفرنس میں کہاکہ آسام میں این آر سی کے معاملہ پر راجیہ سبھا میں ہوئی بحث کے دوران ترنمول کے اراکین نے اسپیکر کی کرسی کے نزدیک آکر نعرے بازی کی اور کانگریس کے اراکین نے بھی ان کے ساتھ شوروغل کیا۔ ان کا مقصد ایک سازش کے تحت ایوان میں شوروغل کرنا تھا، جس سے بی جے پی کے صدرامت شاہ اپنی بات نہ رکھ سکیں اور وزیر داخلہ راجناتھ سنگھ بحث کا جواب نہ دے سکیں۔ انہوں نے کہا کہ چیئرمین ایم وینکیا نائیڈو نے بھی کہا تھا کہ اپوزیشن اراکین سازش کے تحت ایسا کررہے ہیں۔

پرکاش جاوڈیکر نے اپوزیشن اراکین رویہ کو جمہوریت کا قتل قرار دیتے ہوئے کہاکہ بی جے پی اس کی مذمت کرتی ہے۔ انہوں نے سوال کیا کہ کانگریس اورترنمول کانگریس یہ بتائیں کہ انہیں کیا خوف ہے وہ بحث سے کیوں بھاگ رہے ہیں کیا وہ دراندازوں کو بچانا چاہتے ہیں۔

First published: Aug 01, 2018 09:55 PM IST
corona virus btn
corona virus btn
Loading