ہوم » نیوز » شمالی ہندوستان

ان لاک 1.0: اروند کیجریوال کا اعلان- ایک ہفتے تک سیل رہیں گے بارڈر، دہلی میں کھلیں گی سبھی دوکانیں

دہلی کے وزیراعلیٰ کیجریوال (CM Kejriwal) نے کہا کہ ان کی حکومت دہلی میں دوکانوں کے لئے طاق - جفت کا فارمولہ اختیار کیا تھا، لیکن مرکزی حکومت نے اس طرح کے کسی ضابطے کا ذکر نہیں کیا ہے۔

  • Share this:
ان لاک 1.0: اروند کیجریوال کا اعلان- ایک ہفتے تک سیل رہیں گے بارڈر، دہلی میں کھلیں گی سبھی دوکانیں
اروند کیجریوال کا اعلان- ایک ہفتے تک سیل رہیں گے بارڈر

نئی دہلی: دہلی کے وزیر اعلی اروند کجریوال نے پیر کو کہا کہ مرکزی حکومت کی جانب سے لاک ڈاؤن کے حوالہ سے آنے والی ہدایات کے پیش نظر دارالحکومت میں حجاموں کی دوکانوں (سیلون) کو کھولنے کے لئے کی اجازت دے دی گئی ہے جبکہ اسپا پر پابندی برقرار رہے گی۔ اروند کجریوال نے یہاں ایک پریس کانفرنس میں کہا کہ حکومت نے سیلون کی دوکانوں کو کھولنے کا فیصلہ کیا ہے جبکہ اسپا کو فی الحال نہیں کھولاجائے گا۔ پہلے آٹو پر سواریوں کی محدود تعداد کو اجازت دی گئی تھی، لیکن اب یہ پابندی بھی ہٹا لی گئی ہے۔ اس کے علاوہ فور وہیلر اور ٹو وہیلر پر بھی سواریوں کی حد کو ختم کیا گیا ہے۔


دہلی کے وزیراعلیٰ اروند کیجریوال نے کہا کہ اب سارے بازار کھلیں گے جبکہ پہلے طاق و جفت (آڈ - ایون) کے تحت کھولنے کی اجازت تھی۔ مرکزی حکومت کی ہدایات کے مطابق رات 9 بجے سے صبح 5 بجے تک ضروری سروس والوں کے علاوہ کرفیو لگا رہے گا۔ وزیر اعلیٰ کیجریوال نے کہا کہ کورونا وائرس کو دیکھتے ہوئے دہلی کی سرحد کو کھولنے کے لئے یہاں کے لوگوں سے تجاویز طلب کئے گئے ہیں۔


منگل کو ایپ لانچ کریں گے


دہلی کے وزیراعلیٰ اروند کیجریوال نے بتایا کہ منگل کو ایپ (APP) لانچ کریں گے، جس میں اسپتالوں سے متعلق جانکاریاں ہوں گی۔ ساتھ ہی انہوں نےدہلی کے عوام سے کہا کہ بارڈر کھولنے کے لئے مشورے بھیجیں۔ اس کے لئے جمعہ کے روز شام پانچ بجے تک مشورہ دینے کا وقت دیا گیا ہے۔

دہلی کے وزیراعلیٰ اروند کیجریوال نے بتایا کہ منگل کو ایپ لانچ کریں گے، جس میں اسپتالوں سے متعلق جانکاریاں ہوں گی۔ فائل فوٹو
دہلی کے وزیراعلیٰ اروند کیجریوال نے بتایا کہ منگل کو ایپ لانچ کریں گے، جس میں اسپتالوں سے متعلق جانکاریاں ہوں گی۔ فائل فوٹو


دہلی میں مناسب ہے بیڈ کی تعداد

عام آدمی پارٹی کے سربراہ اروند کیجریوال نے کہا کہ دہلی کے اندر روز کورونا وائرس کے کیسیز بڑھتے جارہے ہیں، لیکن تشویش کی کوئی بات نہیں ہے۔ کسی کو گھبرانے کی ضرورت نہیں ہے۔ انہوں نے کہا کہ آپ کو میں یقین دلاتا ہوں کہ اگر آپ کو کورونا ہوجاتا ہے تو آپ کے لئے دہلی میں بیڈ ہے۔ ساتھ ہی انہوں نے کہا کہ اگر یہ بارڈر کھول دیئے جاتے ہیں تو پورے ملک کے تمام لوگ یہاں کے اسپتالوں میں علاج کروانے آئیں گے اور دہلی تو دل والوں کی ہے۔ ساتھ ہی انہوں نے کہا کہ دہلی کے اسپتالوں میں کچھ وقت تک صرف دہلی کے لوگوں کا ہی علاج ہونا چاہئے۔

 

 
First published: Jun 01, 2020 03:37 PM IST
corona virus btn
corona virus btn
Loading