لکھنؤ میں دلت لڑکی کے ساتھ اجتماعی عصمت دری کے بعد آگ لگا دی گئی، لڑکی جھلس کر مر گئی!

لکھنؤ کے مدھوتنڈہ علاقے میں مبینہ طور پر دو مردوں کے ذریعہ ایک دلت لڑکی کی عصمت دری کی گئی۔ جس کے بعد اسے جلا دیا گیا۔ اس واقعہ کے 12 دن بعد پیر کو لکھنؤ کے ایک اسپتال میں زخموں کی تاب نہ لاتے ہوئے چل بسی۔ پولیس سپرنٹنڈنٹ (ایس پی) دنیش کمار پربھو نے بتایا کہ متاثرہ کی موت لکھنؤ کے کنگ جارج میڈیکل یونیورسٹی اسپتال میں علاج کے دوران ہوئی۔ انہوں نے کہا کہ رشتہ دار اس کی لاش لے گئے اور پوسٹ مارٹم کے بعد اپنے گاؤں روانہ ہو گئے۔

افسر نے بتایا کہ 7 ستمبر کو مدھوتنڈہ علاقے کے ایک گاؤں میں راجویر اور تاراچند نامی دو افراد نے 16 سالہ دلت لڑکی کے گھر میں گھس کر اس کی عصمت دری کی۔ اس کے بعد ملزم نے لڑکی پر جلنے والا تیل ڈال کر اسے جلا دیا۔ وہ لکھنؤ میں زیر علاج تھیں۔ پربھو نے کہا کہ پولس نے دو گھنٹے کے اندر دونوں ملزمین کو گرفتار کر لیا ہے۔ احتیاطی اقدام کے طور پر گاؤں میں کافی پولیس فورس تعینات کی گئی ہے۔

یہ بھی پڑھیں:

• جموں و کشمیر: عمران ہاشمی کے فلم کرو پر پتھر پھینکنے والے شرپسند کو پولیس نے کیا گرفتار


• اسکولوں میں بچوں کے بھجن گانے پر اعتراض، بی جے پی پر جم کر بھڑکیں محبوبہ مفتی


• پاکستان کے لیجنڈ نے ہندوستان کودئے گہرے زخم،اب کہا: آفریدی کو نہیں کھیلنا چاہئے T20ورلڈکپ

پولیس نے کہا کہ اب اصل ایف آئی آر میں قتل کا الزام شامل کیا جائے گا اور دونوں ملزمان پر گینگسٹر ایکٹ کے تحت مقدمہ چلایا جائے گا۔