ہوم » نیوز » شمالی ہندوستان

بھیڑ کی جانب سے قتل کیا جانا بربریت ، ریاستی حکومتیں سخت کارروائی کریں: نائيڈوو

اطلاعات ونشریات کے وزیر ایم ونکیا نائیڈو نے آج گائے کی حفاظت کے نام پر لوگوں کو مارنے کے واقعات روکنے کے لئے ریاستی حکومتوں سے سخت کارروائی کرنے کو کہا۔

  • UNI
  • Last Updated: Jun 30, 2017 06:02 PM IST
  • Share this:
  • author image
    NEWS18-Urdu
بھیڑ کی جانب سے قتل کیا جانا بربریت ، ریاستی حکومتیں سخت کارروائی کریں: نائيڈوو
اطلاعات ونشریات کے وزیر ایم ونکیا نائیڈو نے آج گائے کی حفاظت کے نام پر لوگوں کو مارنے کے واقعات روکنے کے لئے ریاستی حکومتوں سے سخت کارروائی کرنے کو کہا۔

نئی دہلی : اطلاعات و نشریات کے مرکزی وزیر ایم وینکیا نائیڈو نے گئوركشا کے نام پر لوگوں کی سرعام پیٹ پیٹ کر کئے گئے قتل کو وحشیانہ حرکت قرار دیتے ہوئے آج کہا کہ ریاستی حکومتوں کو اسے روکنے کے لئے سخت کارروائی کرنی چاہئے۔

مسٹر نائیڈو نے جھارکھنڈ میں کل ہوئے ایسے ہی ایک واقعے کے سوال پر یہاں صحافیوں سے کہا ' ایسے واقعات ملک کے ہر حصے میں ہو رہے ہیں۔ یہ بربریت ہے جسے ہرگز برداشت نہیں کیا جائے گا۔ وزیر اعظم سمیت ہر کسی نے اس کی مذمت کی ہے۔اگرچہ اسے فرقہ وارانہ نقطہ نظر سے نہیں دیکھا جانا چاہئے۔ '

واضح رہے جھارکھنڈ کے رام گڑھ میں مشتعل ہجوم نے کل علیم الدین اصغر نام کے ایک شخص کو بیف لے کر جانے کے شبہ میں پیٹ پیٹ کر مار ڈالا تھا۔ یہ واقعہ گئوركشا کے نام پر تشدد کے خلاف وزیر اعظم کے بیان کے باوجود ہوا۔ وزیر اعظم نے کل احمد آباد میں ایک پروگرام میں ناراضگی بھرے لہجے میں کہا تھا کہ گئوركشا کے نام پر کسی کے قتل کی اجازت نہیں دی جا سکتی۔ گایوں کے معاملے میں کون مجرم ہے اور کون نہیں اس کا فیصلہ قانون کرے گا۔ قانون کو اپنے ہاتھ میں لینے کا حق کسی کو نہیں ہے۔

First published: Jun 30, 2017 04:32 PM IST
corona virus btn
corona virus btn
Loading