ہوم » نیوز » شمالی ہندوستان

وکاس دوبے انکاونٹر: اکھلیش کا ٹویٹ۔ یہ کار نہیں پلٹی ہے، راز کھلنے سے سرکار پلٹنے سے بچائی گئی ہے

سماج وادی پارٹی سربراہ اکھلیش یادو نے مدبھیڑ کو فرضی قرار دیتےہوئے ٹوئٹ کیا 'دراصل یہ کار نہیں پلٹی ہے۔ راز کھلنے سے سرکار پلٹنے سے بچائی گئی ہے"۔

  • UNI
  • Last Updated: Jul 10, 2020 10:25 AM IST
  • Share this:
وکاس دوبے انکاونٹر: اکھلیش کا ٹویٹ۔ یہ کار نہیں پلٹی ہے، راز کھلنے سے سرکار پلٹنے سے بچائی گئی ہے
کار نہیں پلٹی،سرکار پلٹنے سے بچائی گئی ہے: اکھلیش

لکھنؤ۔ کانپور سانحہ کے کلیدی ملزم و پانچ لاکھ روپئے کے انعامی بدمعاش وکاس دوبے کی جمعہ کو پولیس کے ساتھ مدبھیڑ میں ہوئی موت پر سوال اٹھاتے ہوئے اپوزیشن نے حکومت کی تنقید شروع کردی ہے۔ سماج وادی پارٹی سربراہ (ایس پی) اکھلیش یادو نے مدبھیڑ کو فرضی قرار دیتےہوئے ٹوئٹ کیا 'دراصل یہ کار نہیں پلٹی ہے۔ راز کھلنے سے سرکار پلٹنے سے بچائی گئی ہے"۔ وہیں سہیل دیو بھارتیہ سماج پارٹی سربراہ اوم پرکاش راج بھر نے بھی اپنے ٹوئٹ میں لکھا 'جس کا اندیشہ تھا وہی ہوگیا۔ کانپور سانحہ کا کلیدی ملزم وکاس دوبے اگر منھ کھولتا تو کئی بڑے لیڈر اور افسر اپنا منھ کھولنے کے لائق نہیں رہتے۔ کوئی تو بڑا شخص ہے اس کے پیچھے جو نہیں چاہتا تھا کہ وکاس دوبے مجسٹریٹ کے سامنے سچائی بتاتا اس سے پہلے ہی اس کی زبان بند کردی گئی‘۔



قابل ذکر ہے کہ کانپور کے چوبے پور کے بکرو گاؤں میں دو جولائی کی رات دبش دینے گئی پولیس ٹیم پر وکاس اور اس کے گرگوں نے جم کر فائرنگ کی تھی جس میں آٹھ پولیس اہلکار شہید ہوگئے تھے جبکہ دیگر ساتھ زخمی ہوگئے تھے۔ وکاس پر اس سے پہلے 60سے زیادہ مجرمانہ معاملے درج تھے۔ وہ اس واردات کا کلیدی ملزم تھا۔ پولیس نے اس کی گرفتاری پر 5لاکھ روپئے کے انعام کا اعلان کیا تھا۔
خیال رہے کہ 2 جولائی کی رات ، وکاس اور اس کے ساتھیوں نے کانپور کے چوبے پور کے بکرو گاؤں میں 8 پولیس اہلکاروں کو گولی مار کر ہلاک کردیاتھا ۔ اس سلسلے میں پولیس اب تک وکاس کے پانچ ساتھیوں کو ڈھیر کر چکی ہے۔ وکاس کو گزشتہ روز اجین کے مہاکالیشور مندر سے ڈرامائی انداز میں گرفتار کیا گیا تھا۔ پولیس ٹیم چارٹر ہوائی جہاز سے اسے لینے کے لئے اجین گئی تھی، لیکن اسے سڑک کے راستے واپس لانے کا فیصلہ کیا گیا۔
Published by: Nadeem Ahmad
First published: Jul 10, 2020 10:25 AM IST