ہوم » نیوز » شمالی ہندوستان

وسیم رضوی نے کی اسلام کے نام پر ’’پاکستانی ‘‘ جھنڈے کو بین کرنے کی مانگ

شیعہ سنٹر ل وقف بورڈ کے چیئر مین وسیم رـضوی نے عدالت عظمیٰ میں ایک عرضی داخل کی ہے۔

  • Share this:
  • author image
    NEWS18-Urdu
وسیم رضوی نے کی اسلام کے نام پر ’’پاکستانی ‘‘ جھنڈے کو بین کرنے کی مانگ
شیعہ وقف بورڈ کے چئیرمین وسیم رضوی : فائل فوٹو۔

شیعہ سنٹر ل وقف بورڈ کے چیئر مین وسیم رـضوی نے عدالت عظمیٰ میں ایک عرضی داخل کی ہے۔ اس عرضی میں انہوں نے کہا ہے کہ اسلام کے نام پر ملک میں جس جھنڈے کا استعمال کیا جاتا ہے ، وہ پاکستان کی سیاسی پارٹی ’’مسلم لیگ‘‘ کا جھنڈا ہے، اس پر پابندی عائد کی جائے ۔ انہوں نے دعویٰ کیا ہے کہ اسلام میں اس طرح کے جھنڈے کا کہیں ذکر یا تاریخ نہیں ہے۔ ملک میں ایسا جھنڈا لگاناآئین کے خلاف ہے۔


رٹ عرضی سے متعلق نیوز 18 سے گفتگو میں وسیم رضوی نے کہا کہ مسلم برادری جو ہرے رنگ کے جھنڈے میں چاند تارا کے ساتھ جوجھنڈے کا استعمال کرتی ہے، اس پر ہم نے کہا ہے کہ یہ کوئی اسلامک فلیگ نہیں ہے ، یہی نہیں اس طرح کے جھنڈے کا اسلام میں کہیں کو ذکر ہی نہیں ہے ۔


وسیم رضوی کہتے ہیں کہ 1906 میں مسلم لیگ کی تشکیل کے ساتھ یہ جھنڈا بنایا گیا ہے ، یہ جھنڈا مسلم لیگ کی شناخت بنا ،اور اس سے قبل اس جھنڈے کا کوئی اسلامی تاریخ نہیں ہے ۔یہ سیاسی جھنڈا بنایا گیا تھا۔ پاکستان جب الگ ہو گیا تو جناح اور دیگراسے لے کر پاکستان چلے گئے ۔ اسی سے پاکستان کا جھنڈا بنایا گیا ۔ وہیں پاکستان کی مسلم لیگ میں آج بھی اسی جھنڈے کا استعمال کیا جاتا ہے ۔اس جھنڈے کو یہاں کے شدت پسند مسلمانوں نےپاکستان کی محبت میں اس جھنڈے کو قائم رکھا اور اسے مذہبی جھنڈا بنا دیا ،وسیم رضوی کہتے ہیں کہ یہ مذہبی نہیں سیاسی جھنڈا ہے ۔


 
First published: Apr 17, 2018 05:43 PM IST
corona virus btn
corona virus btn
Loading