'شردھا کو میں نے نہیں مارا': پوری دنیا کے سامنے قتل کا اعتراف کرنے والا آفتاب آخر اب کیوں مُکر گیا؟

نئی دہلی: شردھا واکر قتل کیس میں عدالت نے منگل کو ملزم آفتاب امین پونا والا کے خلاف قتل اور ثبوت کو مٹانے کی دفعات کے تحت فرد جرم عائد کی۔ سماعت کے دوران عدالت نے کہا کہ دہلی پولیس نے آفتاب کے خلاف کافی ثبوت پیش کیے ہیں۔ تاہم ملزم آفتاب نے واقعے میں ملوث ہونے سے انکار کر دیا ہے۔

تقریباً چھ ماہ بعد، دہلی کی ساکیت عدالت نے شردھا واکر کے قتل کے ملزم آفتاب امین پونا والا کے خلاف قتل اور ثبوت کو مٹانے کی دفعات کے تحت الزامات طے کیے۔ عدالت نے کہا کہ آفتاب کے خلاف قتل اور ثبوت کو مٹانے کا مقدمہ ابتدائی طور پر بنایا گیا ہے۔ اس دوران ملزم آفتاب نے عدالت میں اپنے اوپر لگائے گئے الزامات کی تردید کی۔

ایسے میں لوگوں کو آفتاب کے مکرنے پر حیرانی ہوئی۔ کیونکہ آفتاب نے پولیس کی پوچھ گچھ کے دوران کبھی نہیں کہا کہ اس نے شردھا کا قتل نہیں کیا۔ یہاں تک کہ آفتاب کی اطلاع پر، پولس نے شردھا کے جسم کے اعضاء مہرولی اور گروگرام کے جنگلوں سے برآمد کیا تھا۔ حتیٰ کہ اس کی ویڈیو گرافی بھی کی گئی تھی۔ اس نے نارکو اور جھوٹ پکڑنے والے ٹیسٹ کے دوران قتل کا اعتراف بھی کیا تھا۔ یہاں تک کہ ایک بار اس نے عدالت میں جج کے سامنے شردھا کو قتل کرنے کی بات قبولی تھی۔

پی ایم مودی کا امریکہ دورہ: 22 جون کو وزیر اعظم نریندر مودی کی میزبانی کریں گے بائیڈن، وائٹ ہاؤس نے بیان جاری کر دی جانکاری

ایئرٹیل پیش کر رہا ہے انلمیٹڈ فائیو جی ڈیٹا بغیر کسی روزانہ ڈیٹا کیپ کے، یہاں ہے آفر کا دعوی کرنے کا طریقہ

اس لیے کیا شردھا کی قتل سے انکار
اب ایسی صورتحال میں سوال یہ پیدا ہوتا ہے کہ جب وہ گزشتہ چھ ماہ سے ہر جگہ شردھا کے قتل کا اعتراف کر رہا ہے تو اچانک ایسا کیا ہو گیا کہ وہ صاف انکار کر رہا ہے۔ یہ خیال کیا جاتا ہے کہ وہ قانون کی باریکیوں کے بارے میں سب جانتا ہے۔ آفتاب جانتا ہے کہ اسے کب، کہاں اور کیا کہنا ہے، اس معاملے میں فرق پڑ سکتا ہے۔ وہ جانتا تھا کہ اس کے اب تک دیئے گئے تمام بیانات عدالت میں درست نہیں ہیں۔ چنانچہ جب مقدمے کی کارروائی شروع ہوئی تو اس نے صاف صاف انکار کر دیا۔ وہ جانتا ہے کہ اگر وہ اب اقبال جرم کر لیتا تو یہ کیس بہت آسان ہو جاتا اور اس کیس کا فیصلہ بھی کم وقت میں آ جاتا۔ آفتاب نے کیس کو طول دینے کے لیے شردھا کے قتل میں اپنے ملوث ہونے سے انکار کیا ہے۔ اب وہ یہ مقدمہ لڑے گا اور خود کو بے قصور ثابت کرے گا۔

یہ قتل 18 مئی کو کیا تھا، 35 ٹکڑوں میں کاٹ کر جنگل میں پھینک دیا تھا
دہلی پولیس نے ملزم آفتاب امین پونا والا کو 12 نومبر 2022 کو گرفتار کیا تھا۔ اپنے جرم کا اعتراف کرتے ہوئے اس نے بتایا تھا کہ اس نے 18 مئی 2022 کو ہی شردھا کا گلا دبا کر قتل کیا تھا۔ قتل کے بعد اس کی لاش کے 35 ٹکڑوں میں کاٹ کر اس کو جنوبی دہلی اور گروگرام کے جنگلوں میں پھینک دیا تھا۔

اسلحہ اور فریج پولیس کے پاس
پولیس نے آفتاب کے کہنے پر لاش کے کئی ٹکڑے برآمد کیے تھے۔ ڈی این ایچ کی جانچ میں یہ ٹکڑے صرف شردھا واکر کے ہونے کی تصدیق ہوئی تھی۔ پولیس نے ملزم کا نارکو اور پولی گراف ٹیسٹ بھی کرایا تھا۔ پولیس کے پاس شردھا واکر اور آفتاب کے پرانے جھگڑے کی آڈیو ویڈیو فوٹیج بھی ہے۔ پولیس نے لاش کو کاٹنے کے لیے استعمال ہونے والا اسلحہ اور 300 لیٹر کا فریج بھی برآمد کیا تھا جس میں اس نے لاش چھپا رکھی تھی۔

شردھا کے والد نے کہا کہ ملزم کو پھانسی دی جائے، کیس کی جلد سماعت کی جائے
شردھا قتل کیس میں عدالت کی جانب سے آفتاب پونا والا کے خلاف الزامات طے کیے جانے کے چند گھنٹے بعد، والد وکاس واکر نے امید ظاہر کی کہ مقدمے کی سماعت جلد شروع ہو جائے گی اور ملزم کو پھانسی دی جائے گی۔ پونا والا پر الزام ہے کہ اس نے اپنی ساتھی شردھا واکر کا گلا دبا کر قتل کیا تھا۔ شردھا کو قتل کرنے کے بعد اس کی لاش کو ٹکڑوں میں کاٹ دیا گیا تھا۔ پونا والا نے تاہم ان الزامات کی تردید کی ہے۔ کیس کی مزید کارروائی یکم جون تک ملتوی کر دی گئی۔

شردھا کے والد نے کہا کہ میرا خیال ہے کہ اسے پھانسی پر لٹکا دینا چاہیے۔ عدالت کے فیصلے کا خیرمقدم کرتے ہوئے انہوں نے اس کیس کی سماعت جلد شروع کرنے پر زور دیا۔ انہوں نے کیس کی جلد سماعت کا مطالبہ کرتے ہوئے کہا کہ 17 مئی کو ممبئی میں احتجاج کریں گے۔

انہوں نے کہا کہ ہم چاہتے ہیں کہ ہماری آواز دہلی میں سنی جائے۔ آفتاب پر تعزیرات ہند (آئی پی سی) کی دفعہ 302 اور 201 کے تحت فرد جرم عائد کی گئی ہے۔ اس معاملے میں دہلی پولیس نے معاملے میں 6,629 صفحات کی چارج شیٹ داخل کی تھی۔