زکوٰۃ فاؤنڈیشن آف انڈیا کے 26 مسلم نوجوان بنے آئی اے ایس اور آئی پی ایس آفیسر

نئی دہلی۔ کہتے ہیں کہ جہاں چاہ ہو تو راہ اپنے آپ بن جاتی ہے۔ ایسا ہی کچھ ثابت کیا ہے زکوٰۃ فاؤنڈیشن آف انڈیا نے۔ جمعہ کو آئے یو پی ایس سی کے حتمی نتائج میں 26 ان مسلم نوجوانوں کے نام شامل ہوئے ہیں جنہوں نے زکوٰۃ فاؤنڈیشن آف انڈیا کی مدد سے کوچنگ کر کے یو پی ایس سی کی تیاری کی تھی۔ گزشتہ سال کے مقابلہ اس سال 10  بچے زیادہ منتخب کئے گئے ہیں۔ آپ کو یہ جان کر تعجب ہو گا کہ زکوٰۃ فاؤنڈیشن آف انڈیا زکوٰۃ کے پیسوں سے چلتا ہے۔

اس سال زکوٰۃ فاؤنڈیشن آف انڈیا کی مدد سے آئی اے ایس اور آئی پی ایس بننے والے نوجوانوں میں سب سے زیادہ یوپی اور کیرالہ سے 9-9 ہیں۔ جبکہ جموں وکشمیر سے تین اور بہار اور مہاراشٹر سے دو۔ دو نوجوان ہیں۔ پچھلے سال کے مقابلہ اس سال لڑکیوں کی تعداد کم ہے۔ پچھلے سال جہاں چار لڑکیوں نے زکوٰۃ فاؤنڈیشن آف انڈیا کی مدد سے یہ امتحان پاس کیا تھا تو اس بار یہ تعداد صرف دو ہے۔ لیکن سول سروسیز امتحان کی تیاریوں کے لئے زکوٰۃ فاؤنڈیشن آف انڈیا کی مدد پانا آسان نہیں ہے۔

زکوٰۃ فاؤنڈیشن آف انڈیا کی مدد پانے کے لئے پہلے سول سروس پری امتحان سطح کا امتحان پاس کرنا ہوتا ہے۔ اس کے بعد انٹرویو بھی پاس کرنا ہوتا ہے۔ اس امتحان کا انعقاد زکوٰۃ فاؤنڈیشن آف انڈیا ہی کرتا ہے۔ تو زکوٰۃ فاؤنڈیشن آف انڈیا کی مدد پانے کا کیا ہے طریقہ اور یہ کیسے تیاری کراتا ہے نوجوانوں کو۔ آئیے جانتے ہیں خود زکوٰۃ فاؤنڈیشن آف انڈیا کے صدر ڈاکٹر سید ظفر محمود سے  جو خود بھی سول سروس سے سبکدوش ہیں۔

آل انڈیا سطح پر ہوتا ہے امتحان اور انٹرویو

ظفر محمود بتاتے ہیں کہ اپریل کے آخری اتوار کو ہم قومی سطح پر تحریری امتحان کراتے ہیں۔ یہ امتحان دہلی میں ہوتا ہے۔ تین سینٹر سرینگر، ملا پورم (کیرالہ) اور کولکتہ میں ہم خود جاکر امتحان لیتے ہیں۔ تحریری امتحان کا پیپر سول سروس کے پری امتحان میں آنے والے سوالات کی سطح کا ہوتا ہے۔ امتحان پاس کرنے والے امیدواروں کا سول سروس کے ریٹائرڈ اور سروس کر رہے حکام کا پینل انٹرویو لیتا ہے۔ تحریری امتحان کے لئے نومبر میں آن لائن درخواستیں لی جاتی ہیں۔

لڑکیوں کے لئے سیٹ کی نہیں ہے کوئی حد

ڈاکٹر ظفر کا کہنا ہے کہ ایک بیچ کے لئے ہم 50 لڑکوں کا انتخاب کرتے ہیں۔ لیکن لڑکیوں کے لئے سیٹ کی کوئی حد نہیں ہے۔ تحریری امتحان اور انٹرویو پاس کرنے کے بعد چاہے جتنی لڑکیاں کوچنگ کے لئے آ سکتی ہیں۔ حالانکہ ابھی تک ایک بیچ میں 10 سے 12 لڑکیاں آتی ہیں، جس میں تین سے پانچ لڑکیاں کامیاب ہو رہی ہیں۔

زکوٰۃ فاؤنڈیشن اس طرح کراتا ہے امتحان کی تیاری

ڈاکٹر ظفر کا کہنا ہے کہ دہلی میں ہمارے پاس چار ہاسٹل ہیں۔ سب سے پہلے ہم منتخب کردہ لڑکے لڑکیوں کو دہلی کی کچھ الگ الگ کوچنگ میں داخلہ دلاتے ہیں۔ اس کا خرچ زکوٰۃ فاؤنڈیشن ہی اٹھاتا ہے۔ کوچنگ میں پڑھائی کرنے کے بعد شروع ہوتی ہے زکوٰۃ فاؤنڈیشن کی تعلیم۔

ہاسٹل میں لائبریری اور ريڈنگ روم بنائے گئے ہیں

گروپ ڈسکشن کے لئے ایک ہال بنایا گیا ہے۔

قومی اور بین الاقوامی مسائل پر پینل کے ساتھ بحث کرائی جاتی ہے۔

حال ہی میں جی ایس ٹی پر بحث کرنے کے لئے ریونیو سروس کے ریٹائرڈ اور سرونگ حکام کو بلایا گیا تھا۔

ملک کے مختلف حصوں سے جمع کر وقتا فوقتا اسٹڈی مٹیریل دیا جاتا ہے۔

وہاٹس ایپ گروپ پر اندرون و بیرون ملک ہر روز گھٹنے والے واقعات کی معلومات دی جاتی ہے۔

پری اور اصل امتحان پاس کرنے کے بعد انٹرویو کی تیاری کرائی جاتی ہے۔

زکوٰۃ فاؤنڈیشن کا پینل ایک امیدوار کا تین بار انٹرویو لیتا ہے۔

پینل میں سول سروس کے ریٹائرڈ اور سرونگ افسر شامل ہیں۔

سول سروس کی طرح سے فل ڈریس میں انٹرویو کی ریہرسل کرائی جاتی ہے۔

حکام کا پینل ایک دن میں پانچ امیدواروں کا انٹرویو لیتا ہے۔

یہی پینل اس کے بعد امیدواروں کو ان کی خامیاں بتاتے ہوئے اصلاح کے لئے تجاویز دیتا ہے۔

نوٹ: ڈاکٹر ظفر بتاتے ہیں کہ ہاسٹل میں امیدوار صرف پڑھتے ہیں، کھانا کھاتے ہیں اور نماز پڑھتے ہیں۔

زکوٰۃ فاؤنڈیشن اس طرح جٹاتا ہے اقتصادی مدد

زکوٰۃ فاؤنڈیشن ایک این جی او ہے۔ یہ مکمل طور پر دوسرے لوگوں کی طرف سے کی گئی مدد سے ہی چلتا ہے۔ مدد کے طور پر زکوٰۃ فاؤنڈیشن کو نام کے مطابق زکوٰۃ، صدقہ، امداد اورچیریٹی کی شکل میں پیسہ ملتا ہے۔ اسی کا استعمال زکوٰۃ فاؤنڈیشن سرسید کوچنگ اینڈ گائیڈنس سینٹر فار سول سروس کو چلانے میں کرتا ہے۔

کس طرح پڑی زکوٰۃ فاؤنڈیشن کی بنیاد

ڈاکٹر ظفر کا کہنا ہے کہ وہ جب اے ایم یو میں پڑھتے تھے وہ خود اور ان کے بہت سے دوست سول سروس کی تیاری کرنا چاہتے تھے۔ لیکن مدد کرنے والا کوئی کوچنگ سینٹر نہیں تھا۔ دوسرا یہ کہ میں خود بھی سچر کمیٹی میں رہا تھا۔ رپورٹ میں جو حال میں نے دیکھا تو اس کے بعد لگا کہ واقعی سول سروس کی تیاری کرانے کے لئے اس طرح کا کوئی سینٹر ہونا ضرور چاہئے۔

ناصر حسین کی رپورٹ