Choose Municipal Ward
    CLICK HERE FOR DETAILED RESULTS
    ہوم » نیوز » شمالی ہندوستان

    ایکسپریس وے بنا میدان جنگ، جنگی طیاروں نے حیرت انگیز مہارت کا نمونہ پیش کیا

    فضائیہ کے جیگوار، میراج اور سکھوئی جیسے جنگی ، طیارہ اور مال بردار طیارہ سی -130 نے لکھنؤ-آگرہ ایکسپریس وے پر اناؤ کے بانگرمئو کے پاس تین کلومیٹر حصے کا ہوائی پٹی کے طور پر استعمال کرتے ہوئے اس پر ’لینڈنگ اور ٹیک آف‘ کرکے ایئر فورس کی تیاریوں کا نمونہ پیش کیا۔

    • UNI
    • Last Updated: Oct 24, 2017 03:49 PM IST
    • Share this:
    • author image
      NEWS18-Urdu
    ایکسپریس وے بنا میدان جنگ، جنگی طیاروں نے حیرت انگیز مہارت کا نمونہ پیش کیا
    علامتی تصویر

    اناؤ۔ لکھنؤ۔ آگرہ ایکسپریس وے آج کچھ دیر کے لئے میدان جنگ میں تبدیل ہو گیا جہاں فضائیہ کے جنگی طیاروں کے بیڑے کی ریڑھ کی ہڈی مانے جانے والے اہم طیاروں میں ہرکیولس طیارہ نے اپنے جوہر اور حیرت انگیز مہارت کا نمونہ پیش کرتے ہوئے ملک کے باشندوں کو اس بات کا یقین دلایا کہ وہ جنگ اور امن کے وقت میں کسی بھی طرح کی ہنگامی صورت حال سے نمٹنے کے لئے پوری طرح تیار ہیں۔ فضائیہ کے جیگوار، میراج اور سکھوئی جیسے جنگی ، طیارہ اور مال بردار طیارہ سی -130 نے لکھنؤ-آگرہ ایکسپریس وے پر اناؤ کے بانگرمئو کے پاس تین کلومیٹر حصے کا ہوائی پٹی کے طور پر استعمال کرتے ہوئے اس پر ’لینڈنگ اور ٹیک آف‘ کرکے ایئر فورس کی تیاریوں کا نمونہ پیش کیا۔


    اتر پردیش کی حکومت اور ایئر فورس کی اس مشترکہ مہم کے تحت 15 جنگی طیاروں اور ایک ہرکیولس طیارے نے اپنے کارنامے دکھائے جس سے ایکسپریس وے کا یہ حصہ زمین سے لے کر آسمان تک کانپ اٹھا۔ 3.3 کلومیٹر طویل اور ایکسپریس وے کے 33 میٹرچوڑے علاقے حصے کو خاص طور پر تیار کیا گیا تھا۔


    ہرکیولس طیارہ سی -130 نے مہم کا آغاز کرتے ہوئے فضائیہ کے جانباز دستے گروڑ کے کمانڈو اور ان کی گاڑیوں کو ایکسپریس وے پر اتارا۔ کمانڈوز نے پلک جھپکتے ہی دشمن کے خلاف ایکسپریس وے کے دونوں طرف اپنے محاذ سنبھال لیے اور صورت حال کو قابو میں کرنے کے لئے محاصرہ کر لیا۔

    First published: Oct 24, 2017 03:49 PM IST
    corona virus btn
    corona virus btn
    Loading