یوگی کے وزیرنےکہا "کشتی لڑتے تھے ہنومان جی، ان کی طرح میں بھی کھلاڑی ہوں"۔

وزیراعلیٰ یوگی آدتیہ ناتھ کے ذریعہ ہنومان جی کو دلت ذات کا بتائے جانے کے بعد شروع ہوئی بیان بازی کا دورابھی بھی جاری ہے۔ اب اترپردیش حکومت کے کابینہ وزیراورسابق کرکٹرچیتن چوہان نے ہنومان جی کوکھلاڑی بتا دیا ہے۔ چیتن چوہان نے کہا "ہنومان جی کشتی لڑتے تھے، وہ کھلاڑی تھے، ان کی کوئی ذات نہیں تھی، وہ کھلاڑی تھےاورمیں بھی کھلاڑی ہوں"۔

چیتن چوہان نے امروہہ میں نامہ نگاروں کے سوالوں کا جواب دیتے ہوئے ہنومان جی پریہ تبصرہ کیا۔ واضح رہے یہ پورا تنازعہ اترپردیش کے وزیراعلیٰ یوگی آدتیہ ناتھ کے اس بیان سے شروع ہوا تھا، جس میں انہوں نے ہنومان جی کو دلت بتایا تھا۔ وزیراعلیٰ نے کہا تھا "بجرنگ بلی ایک ایسے لوک دیوتا ہیں جو خود بنواسی ہیں، گربنواسی ہیں، دلت ہیں اورمحروم ہیں"۔

اس سے قبل بی جے پی ایم ایل سی بکل نواب ہنومان جی کومسلمان بتاچکے ہیں۔ نواب نے کہا "ہنومان جی مسلمان تھے، اس لئے مسلمانوں میں جونام رکھے جاتے ہیں۔ رحمان، رمضان، فرمان، ذیشان، قربان جتنے بھی نام رکھے جاتے ہیں وہ تقریباً تقریباً انہیں کے توسط سے رکھے جاتے ہیں"۔ بکل نواب نے کہا کہ تقریباً 100 نام ایسے ہیں، جو ہنومان پرہی مبنی ہیں۔ ہندوبھائی ہنومان نام رکھ لیں گے، لیکن سلطان نہیں ملے گا۔ ارمان، رحمان، رمضان نہیں رکھ سکتے"۔

UP Min & Former India cricketer Chetan Chauhan in Amroha yesterday: Hanuman ji kushti ladte the, khiladi bhi the, jitne bhi pehlwan log hain unki pooja karte hain, main unko wahi manta hun, humare isht hain, bhagwan ki koi jaati nahi hoti. Main unko jaati main nahi baantna chahta pic.twitter.com/Q1lburIFMu

— ANI UP (@ANINewsUP) December 23, 2018

اس درمیان دیوریا میں سماجوادی پارٹی کے قومی جنرل سکریٹری اورسابق ممبرپارلیمنٹ رما شنکرودیارتھی نے ہنومان جی کی ذات پرتبصرہ کرتے ہوئے گونڈ ذات کا بتا دیا۔ ساتھ ہی اس کا ویڈیو بناکرسابق ممبرپارلیمنٹ نے اپنے فیس بک پروائرل کردیا ہے۔ سابق ممبرپارلیمنٹ کے فیس بک پریہ بیان وائرل ہوتے ہی لوگوں کا تبصرہ بھی شروع ہوگیا ہے۔