ہوم » نیوز » شمالی ہندوستان

یوگی حکومت نے اترپردیش میں پہلے ڈیٹینشن سینٹر کو دی منظوری ، غازی آباد میں رکھے جائیں گے غیر قانونی طورپر رہ رہے غیر ملکی

غازی آباد میں سماجی فلاح و بہبود کے محکمہ کے تحت ایک عمارت میں اس ڈیٹینشن سینٹر کی شروعات کرنے کی تیاری ہے ۔ ذرائع کے مطابق اس سلسلہ میں مرکز کو تجویز بھیج دی گئی ہے ۔ مرکز کی طرف سے اجازت ملنے کا انتظار کیا جارہا ہے ۔

  • Share this:
یوگی حکومت نے اترپردیش میں پہلے ڈیٹینشن سینٹر کو دی منظوری ، غازی آباد میں رکھے جائیں گے غیر قانونی طورپر رہ رہے غیر ملکی
یوگی حکومت نے اترپردیش میں پہلے ڈیٹینشن سینٹر کو دی منظوری

اترپردیش کی یوگی حکومت جلد ہی ریاست کے پہلے ڈیٹینشن سینٹر کی شروعات کرنے جارہی ہے ۔ جانکاری کے مطابق غازی آباد میں سماجی فلاح و بہبود کے محکمہ کے تحت ایک عمارت میں اس ڈیٹینشن سینٹر کی شروعات کرنے کی تیاری ہے ۔ ذرائع کے مطابق اس سلسلہ میں مرکز کو تجویز بھیج دی گئی ہے ۔ مرکز کی طرف سے اجازت ملنے کا انتظار کیا جارہا ہے ۔


جانکاری کے مطابق اس ڈیٹینشن سینٹر میں 100 لوگوں کو رکھنے کا انتظام کیا گیا ہے ۔ بتایا جارہا ہے کہ یہ ڈیٹینشن سینٹر کھلی جیل کی طرح ہوگا اور یہاں صرف غیر ملکیوں کو ہی رکھا جائے گا ۔ ان میں وہ بھی ہوں گے ، جو غیر قانونی طور پر ریاست میں رہ رہے ہیں ۔ سبھی کو بنیادی سہولیات دی جائیں گی ۔ یہاں رکھے جانے والے وہ لوگ ہوں گے ، جو جیلوں میں سزا کاٹ چکے ہیں اور جنہیں اپنے ملک بھیجنے میں وقت لگ رہا ہے ۔


جانکاری کے مطابق غازی آباد کے نند گرام میں بنے اس ڈیٹینشن سینٹر میں 100 لوگوں کو ایک ساتھ رکھنے کا بندوبست کیا گیا ہے ۔ ڈیٹینشن سینٹر کی عمارت کا کام بھی پورا ہوچکا ہے ۔ دراصل یوگی حکومت نے یہاں پہلے سے تعمیر دو امبیڈکر ہاسٹلس کو ڈیٹینشن سینٹر میں تبدیل کرنے کی تجویز پیش کی تھی ۔ یہ دونوں ہاسٹلس طویل وقت سے بند پڑے ہیں ۔ اب ان میں سے ایک میں باڑبندی کے ساتھ سیکورٹی کے انتظامات کئے گئے ہیں ۔ سماجی فلاح و بہبود محکمہ سے ملی جانکاری کے مطابق یہ ڈیٹینشن سینٹر کھلی جیل کی طرح ہوگا ۔ یہاں صرف غیر ملکیوں کو ہی رکھا جائے گا ۔ سینٹر میں ہر ایک قیدی کو سبھی بنیادی سہولیات دی جائیں گی ۔


کیا ہوتا ہے ڈیٹینشن سینٹر ؟

ڈیٹینشن سینٹر میں فارنرس ایکٹ اور پاسپورٹ ایکٹ کی خلاف ورزی کرنے والے غیر ملکیوں کو رکھا جاتا ہے ۔ واپس بھیجے جانے تک انہیں یہیں رکھا جاتا ہے ۔ ملک میں اس وقت گیارہ ڈیٹینشن سینٹر ہیں ۔ آسام میں چھ ڈیٹینشن سینٹر ہیں وہیں دہلی ، گوا ، راجستھان ، پنجاب اور بنگلورو میں بھی ڈیٹینشن سینٹر ہیں ۔
Published by: Imtiyaz Saqibe
First published: Sep 17, 2020 05:17 PM IST
corona virus btn
corona virus btn
Loading