راجدھانی میں ٹکٹ کنفرم نہیں ہوا ، تو ایئر انڈیا میں ملے گا ٹکٹ

نئی دہلی : ایئر انڈیا جلد ہی راجدھانی ٹرینوں کے ان مسافروں کی مدد کے لئے آگے آئے گا، جن کا ٹکٹ کنفرم نہیں ہوسکا ہے۔ ایسے مسافروں کو تھوڑا مزید پیسہ خرچ کر کے ایئر انڈیا میں سفر کرنے کا متبادل فراہم کرایا جائے گا۔
ایئر انڈیا کے سربراہ اشونی لوهاني نے یہ اطلاع دی۔ انہوں نے کہا کہ ایئر انڈیا اور آئی آر سی ٹی سی میں اس بابت معاہدہ پہلے ہی ہو چکا ہے اور مذکورہ نظام کے چند ہفتوں میں نافذ ہونے کا امکان ہے۔ مجوزہ نظام کے تحت راجدھانی ٹرینوں کے ہر زمرہ کے ان مسافروں کے پاس ایئر انڈیا سے سفر کرنے کا متبادل ہوگا ، جن کا ٹکٹ کنفرم نہیں ہوسکا ہے۔
تاہم یہ اس بات پر انحصار کرے گا کہ ان کے روٹ پر ایئر انڈیا کی سروس ہے یا نہیں۔ اس طرح کے مسافروں کو آئی آر سی ٹی سی کے ذریعے ہی ایئر انڈیا کے ٹکٹ کی پیشکش کی جائے گی۔ انہوں نے کہا کہ مجوزہ نظام کی تفصیلات تیار کی جارہی ہیں اور کچھ ہی ہفتوں میں نافذ کیا جاسکتا ہے ۔