உங்கள் மாவட்டத்தைத் தேர்வுசெய்க

    Monsoon Update:اب شمال مشرق پہنچ گیا ہے مانسون، ملک کے ان حصوں میں بارش کا جاری ہوا الرٹ، جانیےIMDکا تازہ امکان

     ان ریاستوں میں بارش کی محکمہ موسمیات نے کی ہے پیش قیاسی۔

    ان ریاستوں میں بارش کی محکمہ موسمیات نے کی ہے پیش قیاسی۔

    Monsoon Update: ملک کے الگ الگ مقامات پر تین موسمی نظاموں کے سرگرم ہونے کی وجہ سے اندور سمیت ریاست کا موسم بدل گیا ہے۔ سازگار حالات کی وجہ سے جنوب مغربی مانسون بھی مسلسل آگے بڑھ رہا ہے۔

    • Share this:
      Monsoon Update: خلیج بنگال کے راستے شمال مشرقی ہندوستان میں جنوب مغربی مانسون داخل ہوگیا ہے ۔ آئندہ دو دنوں میں آسام اور میگھالیہ میں شدید بارش کا امکان ہے۔ محکمہ موسمیات (IMD) نے جمعرات کو کہا ہے کہ جنوب مغربی مانسون شمال مغربی خلیج بنگال کے کچھ حصوں، شمال مشرق اور مشرقی وسطی خلیج بنگال کے کچھ حصوں میں آگے بڑھا ہے۔ ساتھ ہی یہ میزورم، منی پور اور ناگالینڈ کے بیشتر حصوں تک پہنچ چکا ہے۔

      بدھ کو مانسون کرناٹک کے بنگلورو، چکمگلورو اور کروار تک پہنچ گیا تھا۔ بحیرہ عرب سے ہندوستان کے جنوبی جزیرہ نما کی طرف سے آنے والی مانسون ہواؤں کے پیش نظر محکمہ موسمیات نے اگلے پانچ دنوں تک کرناٹک کے ساحلی اور جنوبی اندرونی علاقوں کیرالہ، ماہے اور لکش دیپ میں بارش کی پیش گوئی کی ہے۔

      ملک کے ان حصوں میں ہوگی بارش
      اگلے پانچ دنوں تک آندھرا پردیش، تلنگانہ، شمالی داخلی کرناٹک، تمل ناڈو، پڈوچیری اور کرائیکل کے علاقوں میں بارش ہوسکتی ہے۔ محکمہ موسمیات نے اگلے دو دنوں میں راجستھان، جنوبی پنجاب اور جنوبی ہریانہ کے لیے گرمی کی لہر کی وارننگ بھی جاری کی ہے۔

      دہلی میں چھائے رہیں گے بادل اور ہلکی بارش کا امکان
      ہندوستانی محکمہ موسمیات (IMD) نے کہا کہ جمعہ کو آسمان میں ممکنہ طور سے بادل چھائے رہیں گے اور شہر میں ہلکی بارش ہوسکتی ہے۔ جمعہ کو زیادہ سے زیادہ اور کم سے کم درجہ حرارت 42 اور 26 ڈگری سیلسیس کے آس پاس رہنے کا امکان ہے۔ محکمہ موسمیات کا یہ بھی کہنا ہے کہ شہر میں اسی ہفتے لو کا کوئی امکان نہیں تاہم اگلے تین روز تک زیادہ سے زیادہ درجہ حرارت 40 سے 42 ڈگری سینٹی گریڈ کے درمیان تک رہے گا۔

      یہ بھی پڑھیں:
      USCIRF Report:امریکی وزارت خارجہ کی رپورٹ-’ہندوستان میں مذہبی اقلیتوں پر ہوئے حملے‘

      یہ بھی پڑھیں:
      Activists Accuse Google:گوگل نے آفس میں ذات پات کے الزام کو بتایا غلط، جانیے پورا معاملہ

      مدھیہ پردیش کے کئی حصوں میں گرج چمک کےساتھ بارش
      ملک کے الگ الگ مقامات پر تین موسمی نظاموں کے سرگرم ہونے کی وجہ سے اندور سمیت ریاست کا موسم بدل گیا ہے۔ سازگار حالات کی وجہ سے جنوب مغربی مانسون بھی مسلسل آگے بڑھ رہا ہے۔ اس سے مل رہی نمی کی وجہ سے مدھیہ پردیش میں بادل چھانے لگے ہیں۔ اس کے ساتھ ساتھ بعض مقامات پر گرج چمک کے ساتھ تیز اور ہلکی بارش بھی ہو رہی ہے۔
      Published by:Shaik Khaleel Farhaad
      First published: