ہوم » نیوز » شمالی ہندوستان

کورونا وائرس کے متاثرین کی تعداد ساڑھے77 لاکھ کے پار، موجودہ مریضوں کی تعداد 6.96 لاکھ

ملک میں کورونا وائرس کے متاثرین کی تعداد 77.5 لاکھ کے پار ہوچکی ہے اور اس دوران کورونا کے زیر علاج مریضوں کی تعداد اب گھٹ کر 6.96 لاکھ ہوگئی ہے۔

  • UNI
  • Last Updated: Oct 23, 2020 10:15 AM IST
  • Share this:
کورونا وائرس کے متاثرین کی تعداد ساڑھے77 لاکھ کے پار، موجودہ مریضوں کی تعداد 6.96 لاکھ
کورونا وائرس کے متاثرین کی تعداد ساڑھے77 لاکھ کے پار

نئی دہلی: ملک میں کورونا وائرس کے متاثرین کی تعداد 77.5 لاکھ کے پار ہوچکی ہے اور اس دوران کورونا کے زیر علاج مریضوں کی تعداد اب گھٹ کر 6.96 لاکھ ہوگئی ہے۔ مختلف ریاستوں سے موصولہ اطلاعات کے مطابق جمعرات کی دیر رات تک 50784 نئے مریضوں کی رپورٹ آنے سے متاثرہ افراد کی مجموعی تعداد 7756206 ہوگئی ہے اور مرنے والوں کی تعداد 626 بڑھ کر 117277 ہوگئی ہے۔

ملک میں نئے مریضوں کے مقابلے میں کورونا وائرس کی عالمی وبا سے صحتیاب ہونے والوں کی تعداد میں بھی مسلسل اضافہ ہورہا ہے اور ریکارڈ 69127 مریضوں کی شفایابی کے ساتھ ہی 6941238 افراد اس بیماری سے نجات پا چکے ہیں۔ کورونا وائرس کے نئے متاثرین کی تعداد میں کمی اور ان کے مقابلے میں صحتیاب افراد کی تعداد میں اضافے کی وجہ سے زیر علاج مریضوں میں ریکارڈ 19422 کمی ہوئی ہے۔ ملک میں اب زیرعلاج مریضوں کی تعداد کم ہوکر 696390 رہ گئی ہے۔

ملک میں کورونا وائرس سے سب سے زیادہ متاثرہ ریاست مہاراشٹر 150016 مریضوں کے ساتھ اس فہرست میں پہلے نمبر پر ہے جبکہ 93291 مریضوں کے ساتھ کیرالہ دوسرے نمبر پر ہے۔ کرناٹک اب 92927 مریضوں کے ساتھ تیسرے نمبر پر ہے۔ مہاراشٹر میں جمعرات کے روز زير علاج مریضوں میں کمی ریکارڈ کی گئی، جہاں کورونا وائرس کے نئے مریضوں کے مقابلے میں صحتیاب افراد کی تعداد میں اضافہ ہوا ہے۔ ریاست میں زیر علاج مریضوں کی تعداد اب کم ہو کر 150011 ہوگئی ہے۔



ریاست میں گزشتہ 24 گھنٹے کے دوران متاثرہ افراد کی تعداد بڑھ کر 1625197 ہوگئی۔ اس عرصے میں مزید 16177 مریض شفایاب ہو نے سے صحتیاب افراد کی تعداد 1431856 ہوچکی ہے اور 198 مریضوں فوت ہوجانے سے اموات کی تعداد 42831 ہوگئی ہے۔ ریاست میں مریضوں کی شفایابی کی شرح 88.10 فیصدہے جبکہ اموات کی شرح محض 2.63 فیصد ہے۔ کورونا وائرس کے انفیکشن کے معاملے میں ہندوستان دنیا بھر میں امریکہ کے بعد دوسرے نمبر پر ہے۔ امریکہ میں متاثرہ افراد کی کل تعداد بڑھ کر 8354300 ہوگئی ہے اور اس کے مطابق ہندوستان امریکہ سے اب صرف 5.98 لاکھ پیچھے ہے۔
Published by: Nisar Ahmad
First published: Oct 23, 2020 08:11 AM IST
corona virus btn
corona virus btn
Loading