ہوم » نیوز » وطن نامہ

کلدیپ نیر، قادر خان، گمبھیر سمیت 112 لوگوں کو اعزاز سے سرفراز کیا جائےگا، دیکھیں فہرست

اس مرتبہ چار کو پدم وبھوشن، 14 کو پدم بھوشن اور 94 کو پدم شری دیا جائےگا

  • UNI
  • Last Updated: Jan 25, 2019 11:49 PM IST
  • Share this:
  • author image
    NEWS18-Urdu
کلدیپ نیر، قادر خان، گمبھیر سمیت 112 لوگوں کو اعزاز سے سرفراز کیا جائےگا، دیکھیں فہرست
اس مرتبہ چار کو پدم وبھوشن، 14 کو پدم بھوشن اور 94 کو پدم شری دیا جائےگا

سابق صدر پرنب مکھرجی، آنجہانی موسیقار اور گیت کار بھوپین ہزاریکا اور سماجی خدمت گار ناناجی دیش مکھ کو ملک کے اعلی ترین شہری اعزاز بھارت رتن، لوک نغمہ نگار تیجن بائی سمیت چار شخصیتوں کو پدم ویبھوشن اور مشہور صحافی کلدیپ نیر اور ماؤنٹینر بچھندر پال سمیت 14 شخصیتوں کو پدم بھوشن کے اعزاز سے نوازا جائےگا۔


اس کے علاوہ کرکٹر گوتم گمبھیر، اداکار منوج واجپئی، آنجہانی اداکار قادر خان، ڈاکٹر سندیپ گلیریا، کلوکار شنکر مہادیون اور سابق نوکر شاہ ایس جے شنکر سمیت 94 شخصیتوں کو پدم شری کےاعزاز سے سرفراز کیا جائے گا۔

پدم ویبھوشن پانے والی دیگر شخصیتوں میں جبیوتی کی شہری اسماعیل عمر گوئل، انل کمار منی بھائی نائک اور بلونت موریشر پرندرے ہیں۔ پدم بھوشن کے لئے منتخب شخصیتوں میں ممبر پارلیمنٹ حکم دیو نارائن، ممبر پارلیمنٹ سکھ دیو سنگھ ڈھینڈسا، سابق لوک سبھا کے ڈپٹی اسپیکٹر کریا منڈا اور مشہور صنعت کار مہاشائے دھرم پال گلاٹی بھی شامل ہیں۔



پدم شری پانے والی شخصیتوں میں فلم اداکار اور کوریو گرافر پربھو دیو، صحافی دویندر سروپ، طبلہ نواز سوپن چودھری اور سنگ تراش فیاض احمد جان شامل ہیں۔ پدم ایوارڈ حاصل کرنے والوں میں 21 خواتین، 11 غیر ملکی اور پرواسی ہندوستانی، آٹھ کھلاڑی اور ایک مخنث شامل ہیں۔ تین شخصیتوں کو یہ اعزاز پس از مرگ دیا جارہا ہے۔ یہ ایوارڈ سماجی خدمات، عوام معاملوں، سائنس اور انجینئرنگ، تجارت، صنعت، طب، ساہتیہ، تعلیم اور سول سروس کے شعبوں میں بہترین خدمات کے اعزاز میں دیئے جاتے ہیں۔
ان ایوارڈوں کا اعلان ہر سال یوم جمہوریہ کے مبارک موقع پر کیا جاتا ہے۔ صدر ہر سال مارچ اور اپریل میں شاندار تقریب میں یہ ایوارڈ نوازتے ہیں۔




padamsri1

padamsri2

padamsri3 (1)

padamsri4 (1)

padamsri5
First published: Jan 25, 2019 11:17 PM IST