Padma Awards: پدم ایوارڈس کا اعلان، جنرل بپن راوت کو بعد از مرگ پدم وبھوشن، غلام نبی آزاد کو پدم بھوشن

نئی دہلی : حکومت ہند نے سال 2022 کے پدم ایوارڈس Padma Awards) کا اعلان کردیا ہے ۔ ملک کے پہلے چیف آف ڈیفنس اسٹاف آنجہانی جنرل بپن راوت (General Bipin Rawat) اور اتر پردیش کے سابق وزیر اعلیٰ اور راجستھان کے سابق گورنر آنجہانی کلیان سنگھ ، گیتا پریس گورکھپور کے صدر آنجہانی رادھےشیام کھیمکا کو بعد از مرگ ملک کے دوسرے اعلیٰ ترین شہری اعزاز پدم وبھوشن سے نوازا گیا ہے ۔ وہیں مہاراشٹر سے کلاسیکی گلوکارہ پربھا اترے کو بھی دوسرے اعلیٰ ترین شہری اعزاز سے نوازا گیا ہے ۔ وہیں 17 ہستیوں کو پدم بھوشن سے نوازا جائے گا تو 107 ہستیوں کو پدم شری ایوارڈ دیا جائے گا۔

جبکہ کانگریس لیڈر غلام نبی آزاد (Ghulam Nabi Azad) ، مغربی بنگال کے سابق وزیر اعلیٰ بدھ دیب بھٹاچاریہ اورانفارمیشن ٹیکنالوجی کی صنعت کی نامور شخصیات ستیہ نڈیلا اور سندر پچائی کو پدم بھوشن سے نوازا گیا ہے۔ وہیں نیرج چوپڑا، وندنا کٹاریا، اونی لکھیڈا اور سونو نگم سمیت 107 مشہور شخصیات کو پدم شری دینے کا اعلان کیا گیا ہے۔

مرکزی وزیر داخلہ امت شاہ نے جنرل بپن راوت اور کلیان سنگھ کو بعد از مرگ پدم وبھوشن ایوارڈ دئے جانے کے اعلان کے بعد ٹویٹ کرکے خوشی کا اظہار کیا ہے۔

भारत के प्रथम CDS स्वर्गीय बिपिन रावत जी एक अनन्य राष्ट्रभक्त थे, जिन्होंने पूरी निष्ठा और समर्पण से देश की सेवा की।

प्रधानमंत्री @NarendraModi जी ने उन्हें पद्म विभूषण देकर उनकी राष्ट्रसेवा को सच्चे अर्थों में सम्मानित किया है। इसके लिए देश की ओर से मोदी जी का अभिनंदन करता हूँ।

— Amit Shah (@AmitShah) January 25, 2022

कल्याण सिंह जी ने अपना पूरा जीवन देशहित में समर्पित किया। उत्तर प्रदेश के मुख्यमंत्री रहते हुए उन्होंने जनता को एक भय मुक्त और जन-कल्याणकारी शासन दिया।

आज @NarendraModi जी द्वारा उन्हें पद्म विभूषण से सम्मानित करना, बाबूजी के राष्ट्र समर्पित विराट जीवन को सच्ची श्रद्धांजलि है।

— Amit Shah (@AmitShah) January 25, 2022

بتادیں کہ پدم وبھوشن، پدم بھوشن اور پدم شری ایوارڈز ہندوستان کے اعلیٰ ترین شہری اعزازات میں شامل ہیں۔ یہ ایوارڈز ہر سال حکومت ہند کی طرف سے ہندوستانی شہریوں کو ان کے غیر معمولی کام کے لئے دئے جاتے ہیں۔