ایودھیامیں رام مندر پر حملے کی سازش رچ رہے پاکستانی دہشت گرد، نیپال کے راستے ہندوستان آئیں گے، یہ ہے منصوبہ

نئی دہلی. پاکستان کی دہشت گرد تنظیمیں اب ایودھیا میں رام جنم بھومی مندر پر حملہ کرنے کی منصوبہ بندی کر رہی ہیں۔ نیوز 18 کو اعلیٰ سطحی انٹیلی جنس ذرائع سے ملی معلومات کے مطابق، پاکستان میں مقیم دہشت گرد گروپ اس بار ایودھیا میں رام جنم بھومی پر بڑے حملے کی منصوبہ بندی کر رہے ہیں۔

انٹیلی جنس ذرائع کے مطابق جیش محمد (JeM) اور لشکر طیبہ (LeT) ہی وہ دہشت گرد تنظیمیں ہیں جو بنیادی طور پر رام مندر پر دہشت گردانہ حملے کی منصوبہ بندی کر رہی ہیں۔ انٹیلی جنس ذرائع کا کہنا ہے کہ یہ دہشت گرد گروہ نیپال کے راستے گولہ بارود اور خودکش بمبار لانے کی منصوبہ بندی کر رہے ہیں۔

ماسکو سے گوا آرہی فلائٹ میں بم کی دھمکی، جام نگر میں کرائی گئی ایمرجنسی لینڈنگ

انٹیلی جنس ذرائع کی معلومات کے مطابق 2024 میں مندر کے تیار ہونے سے پہلے رام جنم بھومی پر حملہ کرنا اب ان دہشت گرد تنظیموں کا اہم ٹارگیٹ بن گیا ہے۔ ان دہشت گرد تنظیموں کا مقصد اس حملے کی سازش کو انجام دینے کے ساتھ ساتھ اسے ایک بڑے ہندو مسلم فرقہ وارانہ تشدد کے طور پر دنیا کے سامنے پیش کرنا ہے۔

عازمین حج کیلئے خوشخبری، اب مزید مسافر جا سکیں گے، سعودی عرب نے ختم کی عمر کی حد

انٹیلی جنس ذرائع کا خیال ہے کہ اس سلسلے میں پاکستان کی خفیہ ایجنسی آئی ایس آئی کی کچھ مجبوریاں بھی سامنے آئی ہیں۔ پاکستان کی آئی ایس آئی آرٹیکل 370 کی کامیاب منسوخی کے بعد سے کشمیر میں تشدد بھڑکانے میں واضح طور پر ناکام رہی ہے۔ ہندوستانی فوج نے پاک فوج کی طرف سے دہشت گردوں کی دراندازی کی کسی بھی کوشش کو کامیابی سے روک دیا ہے۔ ان کی تمام سرنگوں کی نشاندہی کر دی گئی ہے اور منشیات کی اسمگلنگ پر بڑا قابو پایا گیا ہے۔