ہوم » نیوز » شمالی ہندوستان

مرکزی وزیر راجناتھ سنگھ نے کہا : دہشت گردی کا ماڈل تباہ ، پھر نہیں ہوسکتا ہے 26/11 جیسا حملہ

راجناتھ سنگھ نے کہا کہ پاکستان کا ہندوستان کے خلاف دہشت گردی کا ماڈل آہستہ آہستہ ختم ہو رہا ہے۔ دہشت گردی کے خلاف ہندوستان کا ردعمل بدل گیا ہے۔ انہوں نے کہا کہ اب دہشت گردی کے خلاف ہندوستان کی جانب سے جوابی کارروائی 360 ڈگری پر ہو رہی ہے۔

  • UNI
  • Last Updated: Nov 26, 2020 08:25 PM IST
  • Share this:
مرکزی وزیر راجناتھ سنگھ نے کہا : دہشت گردی کا ماڈل تباہ ، پھر نہیں ہوسکتا ہے 26/11 جیسا حملہ
مرکزی وزیر راجناتھ سنگھ نے کہا : دہشت گردی کا ماڈل تباہ ، پھر نہیں ہوسکتا ہے 26/11 جیسا حملہ ۔ فائل فوٹو ۔

وزیر دفاع راجناتھ سنگھ نے آج کہا کہ ملک نے اپنے اندرونی اور بیرونی سلامتی کے گھیرے کو اتنا مضبوط کردیا ہے کہ اب ہندوستان کی سرزمین پر ایک اورممبئی دہشت گردانہ حملے کو انجام دینا اب ناممکن ہے ۔ ہندوستان ٹائمز سمٹ کے موقع پر 'قومی سلامتی کے نئے دور' کے موضوع پر بات کرتے ہوئے راجناتھ سنگھ نے کہا کہ ممبئی حملے کی وجہ سے ملک کو قومی سلامتی کی حکمت عملی کو تبدیل کرنا پڑا۔ تب سے ، اور خاص طور پر پچھلے کچھ برسوں میں ، ملک کی سلامتی کے بارے میں کچھ تبدیلیاں کی گئیں ۔ انہوں نے کہا کہ ’’آج ہم سبھی شہریوں کو یہ یقین دلاسکتے ہیں کہ اب ہندوستان نے اپنے داخلی اور خارجی سلامتی کے گھیرے کو اتنا مضبوط کردیا ہے کہ اب ہندوستان کی سرزمین پر ایک اور26/11 کو انجام دینا ناممکن ہے۔‘‘


انہوں نے ناگرروٹا میں حالیہ چار دہشت گردوں کے مڈبھیڑ میں مارے جانے کا ذکر کرتے ہوئے کہا کہ سکیورٹی فورسز نے پاکستان کی ایک اور سازش کو ناکام بنا دیا ہے۔ پاکستان کا ہندوستان کے خلاف دہشت گردی کا ماڈل آہستہ آہستہ ختم ہو رہا ہے۔ دہشت گردی کے خلاف ہندوستان کا ردعمل بدل گیا ہے۔ انہوں نے کہا کہ اب دہشت گردی کے خلاف ہندوستان کی جانب سے جوابی کارروائی 360 ڈگری پر ہو رہی ہے۔ اب ہندوستان ملک کی حدود میں کارروائی کر رہا ہے اور اسی کے ساتھ ، اگر ضروری ہوا تو ، دہشت گردوں کے ٹھکانوں کو تباہ ہماری فوج کے بہادر جوان کررہے ہیں۔


انہوں نے کہا کہ ہندوستان نے سمندر کے ذریعے ہونے والے دہشت گردانہ حملے سے نمٹنے کے لئے اب خصوصی تیاری کرلی ہے ۔ اب بحریہ ، کوسٹ گارڈ اور میرین پولیس نے ساحلی علاقوں میں تین درجے کا حفاظتی دستہ تیار کیا ہے جس میں کوئی بھی مشکوک سرگرمی اس سے بچ نہیں سکتی ۔ بحریہ میں ، 'ساگر پرہری بل' تیار کیا جارہا ہے جو 'فورس ملٹی پلائر' کے طور پر بھی کام کرے گا۔


راجناتھ سنگھ نے کہا کہ “ہندوستان دہشت گردی کا کاروبار کرنے والوں کے لئے اب کوئی نرم ہدف نہیں رہا ہے ۔ ہم نے دہشت گردی کو پناہ دینے والوں کے لئے اس کام کو اتنا مہنگا کردیا ہے کہ پاکستان جیسا ملک کو اس کی بھاری قیمت چکانی پڑ رہی ہے۔ بارہ برس میں ، یہ ملک میں دہشت گردی کے ہر طرح کے ڈھانچے کو مسمار کرنے میں کامیاب رہا ہے۔ اب اگلا قدم دہشت گردی کے مالی ڈھانچے کو ختم کرنے کے لئے اٹھایا جارہا ہے۔‘‘
Published by: Imtiyaz Saqibe
First published: Nov 26, 2020 08:25 PM IST
corona virus btn
corona virus btn
Loading