وزیر اعظم مودی کے مشورے پر پیوش گوئل سنبھالیں گے رام ولاس پاسوان کی وزارت کا کام کاج

نئی دہلی: ریلوے وزیر پیوش گوئل کو رام ولاس پاسوان کے انتقال کے بعد ان کی وزارت کا اضافی چارج سونپا گیا ہے۔ سرکاری ذرائع نے جمعہ کے روز بتایا کہ وزیراعظم نریندرمودی کے مشورے پر پیوش گوئل کو خوراک اور امور صارفین کی وزارت کا اضافی چارج سونپا گیا ہے۔ رام ولاس پاسوان کا گزشتہ رات انتقال ہوگیا۔ وہ 74سال کے تھے۔ مرکزی وزیر کچھ دنوں سے دارالحکومت کے اسکارٹ اسپتال میں داخل تھے۔ قابل ذکر ہے کہ رام ولاس  پاسوان کا حال ہی میں دل کا آپریشن ہوا۔ اس سے قبل ان کا کئی بیماریوں کا علاج بیرون ممالک سے چل رہا تھا۔

رام ولاس پاسوان 1969 میں کم عمرمیں بہار اسمبلی کے لئے منتخب ہوئے تھے۔ سیاست میں آنے سے پہلے ان کی بہار پولیس سروس میں ڈپٹی سپرنٹنڈنٹ کے عہدے پر تقرری بھی ہو گئی تھی۔ انہوں نے پولیس کی نوکری کے بجائے عوام کی خدمت کے لئے سیاست کا انتخاب کیا۔ رام ولاس پاسوان نے مرکز میں ریلوے، اسپتال، کوئلہ، ٹیلی کام اورخوراک اور امور صارفین کی وزارتوں کی ذمہ داری سنبھالی تھی۔ سال 2014 میں وہ مرکز میں نریندر مودی حکومت میں خوراک اور امور صارفین کے وزیر بنائے گئے تھے اور تب سے وہ مسلسل اس وزارت کی ذمہ داری سنبھال رہے تھے۔



رام ولاس پاسوان نے مرکز میں وزارت ریلوے، اسٹیل، کوئلہ، ٹیلی مواصلات اور فوڈ اینڈ کنزیومر امور کی ذمہ داری سنبھالی تھی۔ سال 2019 میں انہیں مرکز میں نریندر مودی حکومت میں خوراک اور صارفین امورکا وزیر بنایا گیا تھا اور تب سے وہ مسلسل اس وزارت کا چارج سنبھال رہے ہیں۔ رام ولاس پاسوان نے بہار میں انتخابی اتحاد کو نئی شکل دی تھی اور وہ لوک نایک جے پرکاش نارائن نیز جننائک کرپوری ٹھاکر اور دیگر رہنماؤں کے ساتھ کام کرنے میں کامیاب رہے تھے۔

رام ولاس پاسوان سالوں سے بہار کے حاجی پور (محفوظ) لوک سبھا حلقے کی نمائندگی کرتے رہے اور یہاں سے انہوں نے بڑی تعداد میں ووٹوں سے کامیابی حاصل کی جو اپنے آپ میں ایک ریکارڈ ہے۔ اس کے علاوہ انہوں نے ریاست کے روسڑا علاقہ کی نمائندگی بھی کی۔ رام ولاس پاسوان کے ایک بھائی رام چندر پاسوان کا انتقال ہوگیا ہے اور وہ سیاست میں بھی بہت سرگرم تھے۔ ان کا ایک بھائی سیاست میں بھی سرگرم ہے۔ رام ولاس پاسوان کے بیٹے چراغ پاسوان لوک جن شکتی پارٹی (ایل جے پی) کے صدر ہیں اور اس وقت بہار اسمبلی انتخابات کی قیادت کر رہے ہیں۔ 5 جولائی 1946 کو بہار کےکھگڑیا میں پیدا ہوئے رام ولاس پاسوان نے کوسی کالج اور پٹنہ یونیورسٹی سے اپنی پڑھائی پوری کی۔ 1969 میں پہلی مرتبہ سنیکت سوشلسٹ پارٹی سے ممبر اسمبلی منتخب ہونے والے پاسوان راج نارائن اور جے پرکاش نارائن نے نقش قدم پر چلتے تھے۔ پاسوان 1974 میں پہلی مرتبہ لوک دل کے جنرل سکریٹری بنائے گئے۔