PM مودی نے سائرس مستری کی موت پر کیا غم کا اظہار، کہا : ان کا جانا صنعتی دنیا کیلئے بڑا نقصان

نئی دہلی : ٹاٹا گروپ کے سابق چیئرمین سائرس مستری کی موت پر وزیر اعظم نریندر مودی نے غم کا اظہار کیا ہے ۔ انہوں نے ٹویٹ کرکے کہا کہ سائرس مستری کی بے وقت موت صدمہ پہنچانے والی ہے ۔ بقول وزیر اعظم مودی : وہ ایک بہترین بزنس لیڈر تھے، جنہیں ہندوستان کی اقتصادی صلاحیت پر بھروسہ تھا ۔ ان کا چلا جانا کمرشیل اینڈ انڈسٹریل دنیا کیلئے بڑا خسارہ ہے ۔ ان کے کنبہ اور دوستوں سے میری تعزیت ۔

وزیر اعظم کے علاوہ کئی بڑی ہستیوں نے سائرس مستری کی موت پر غم کا اظہار کیا ہے ۔ این سی پی کے سربراہ شرد پوار نے کہا کہ وہ بہت تیز اور بااثر کاروباری شخصیت تھے ۔ پوار نے انہیں صنعتی دنیا کے سب سے چمکدار ستاروں میں سے ایک بتاتے ہوئے کہا کہ ان کے جانے سے ہندوستانی صنعت کو ناقابل تلافی نقصان ہوا ہے ۔

 

یہ بھی پڑھئے: ٹاٹا سنس کے سابق چیئرمین Cyrus Mistry کی ممبئی کے پاس سڑک حادثہ میں موت

این سی پی لیڈر اور ممبر پارلیمنٹ سپریہ سولے نے ٹویٹ کیا کہ انہیں اس خبر پر یقین نہیں ہورہا ہے ۔ سولے نے لکھا : انتہائی مایوس کن خبر، میرے بھائی سائرس مستری کی موت ہوگئی ہے ۔ مرکزی وزیر نتن گڈکری نے بھی اس حادثہ پر تعزیت کا اظہار کیا ہے ۔

 

یہ بھی پڑھئے: مستری تنازع میں TATA گروپ کی شبیہ کو لگا تھا دھچکہ، کمپنی میں ہوا یہ اہم بدلاو

سائرس مستری کی موت پر مہندرا اینڈ مہندرا گروپ کے چیئرمین آنند مہندرا نے بھی غم کا اظہار کیا ہے ۔ انہوں نے لکھا : میری ان سے پہچان تب بڑھی جب وہ کچھ وقت کیلئے ٹاٹا گروپ کے چیئرمین بنے ۔ مجھے پورا یقین تھا کہ وہ عظیم کاموں کیلئے بنے ہیں ۔ اگر زندگی کے پاس ان کیلئے کچھ اور منصوبے تھے تو ٹھیک تھا، لیکن ان سے زندگی ہی نہیں چھینی جانی چاہئے تھے ۔

وہیں آر پی جی انٹرپرائزیز کے چیئرمین ہرش گوئنکا نے لکھا : یہ خبر سن کر کافی دکھی ہوں، وہ میرے دوست، ایک جنٹل مین اور انتہائی بااثر شخص تھے ۔ انہوں نے ورلڈ کنسٹرکشن لیجنڈ شپورجی پلونجی کو بنانے میں اہم کردار ادا کیا اور ٹاٹا گروپ کی پوری صلاحیت کے ساتھ قیادت کی ۔